İsrailsayağı səhər yeməyi – İsrailin kibbutzlarında ortaya çıxan, hazırda isə İsrailin bir çox hotel və restoranlarında servis edilən səhər yeməyi növü.[1] Əsasən furşet kimi servis olunur və meyvələr, tərəvəzlər, salatlar, çörəklər, xəmir yeməkləri, süd məhsulları, yumurtalar və balıqlardan ibarətdir. Ət daxil edilmir.
İsrail Dövlətinin ilk illərində kibbutz sakinləri yeməklərini kommunal yemək otağında yeyirdilər.[2] Sakinlərin əkinçilik sahələrində bir neçə saat işləməzdən öncə yüngül səhər yeməyi yemələri ümumi vərdişlərdən biri idi. Daha sonra brançı xatırladan və daha doyurucu olan səhərortası furşet yeməyi üçün yemək otağına gəlirdilər.[2] 1950-ci illərdə İsrail hotelləri "israilsayağı səhər yeməyini" kibbutz yeməklərini xatırladan stildə reklam edirdilər.[3] 1979-cu ildə Yerusəlim Hotellər Assosiasiyası və İsrailli Hotel Sahibləri Assosiasiyasının üzvləri xərcləri azaltmaq üçün israilsayağı səhər yeməyini hotel otağı menyusundan çıxarmağa və onu kontinental səhər yeməyi ilə əvəz etməyə qərar vermişdirlər.[4] Lakin bu cəhd uğursuz olmuş və israilsayağı səhər yeməyi ənənəsi davam etmişdir.
İsrail hotellərində israilsayağı səhər yeməyi özünəxidmət furşeti kimi servis olunur.[4][5] Daha kiçik restoranlarda israilsayağı səhər yeməyi daha sadələşdirilmiş menyuya malik ola və yeməklər stollara servis oluna bilər.[6]
İsrailsayağı səhər yeməyinə heç vaxt ət daxil edilmir. Yəhudi kaşrut qaydalarına görə ət və süd məhsullarının bir yerdə servis edilməsi qadağandır. İsrailsayağı səhər yeməyində isə süd məhsulları daxil edilir və bir neçə pendir çeşidi təklif olunur. Balıq parve hesab olunur və süd məhsulları ilə servis edilməsinə icazə verilir. Balıq kimi əsasən siyənək servis olunur.[1][4] Digər hisə verilmiş və duzlanmış balıq növlərindən (xırda balıq, sardina[6][7] və qızılbalıq) də istifadə olunur.[6]
Yumurta yeməkləri universaldır.[1][2][4][5][7] Tunis yəhudiləri tərəfindən İsrailə gətirilmiş şakşuka ən çox istifadə olunan yumurta yeməyidir.[8] Bu yemək tomat sousunda bişirilmiş yumurtalardan hazırlanır.[1][6][9]
İsrailsayağı səhər yeməyinə İsrail salatı, hummus, tehini, hallumi, ful medames, baba qanuş və labaneh daxildir.[9] Tərəvəzlərdən pomidor, xiyar, yaşıl bibər, turp, soğan, kökdən, eləcə də, zeytundan istifadə olunur.[1][2][3][4][7][9] Müxtəlif çeşid salatlar daxil edilə bilər.[5] Kofe, şirə, çay, meyvələr, çörək və xəmir yeməkləri menyunu tamamlayır.
-
Hayfada israilsayağı səhər yeməyi -
İsrailsayağı səhər yeməyi -
Yumurta, İsrail salatı, çörək və digər məhsullardan ibarət israilsayağı səhər yeməyi.
.JPG)
- ↑ 1 2 3 4 5 Dubois, Jill; Rosh, Mair. Cultures of the World: Israel. Singapore: Marshall Cavendish. 2004. 122. ISBN 9780761416692.
- ↑ 1 2 3 4 Marks, Gil. Encyclopedia of Jewish Food. Boston: Houghton Mifflin Harcourt. 2010. ISBN 9780544186316.
- ↑ 1 2 Sutton, Horace. "Big Breakfasts For Bible Land: Land of milk and honey also serves herring, carrots, olives in the a.m." St. Petersburg Times. St. Petersburg, Florida. April 10, 1955. İstifadə tarixi: 21 fevral 2025.
- ↑ 1 2 3 4 5 Torgerson, Dial. "Israeli Breakfast ... is being replaced by the continental breakfast: coffee and a roll". Sarasota Herald-Tribune. Sarasota. September 6, 1979. 8–CF. İstifadə tarixi: 21 fevral 2025.
- ↑ 1 2 3 Stern, Bonnie. "48 hours in Jerusalem". Nanaimo Daily News. Nanaimo. October 1, 2005. December 31, 2013 tarixində orijinalından arxivləşdirilib. İstifadə tarixi: 21 fevral 2025.
- ↑ 1 2 3 4 Deane, Daniela. "Smart Mouth: The delectable nature of Israeli breakfast". Washington Post. Washington, DC. August 10, 2012. July 28, 2013 tarixində orijinalından arxivləşdirilib. İstifadə tarixi: 21 fevral 2025.
- ↑ 1 2 3 Armstrong, Alicia. "Israeli Breakfast: Lox, Stock and Barrel". Milwaukee Journal. Milwaukee. May 25, 1973. 9. İstifadə tarixi: 21 fevral 2025.[daimi ölü keçid]
- ↑ Marks, Gil. The Encyclopedia of Jewish Food: "Shakshuka". New York, New York: Houghton Mifflin Harcourt. 2010. 547–548. ISBN 978-0-470-39130-3.
- ↑ 1 2 3 "Typical Israeli Breakfast: Bountiful". CBSNews.com. New York City. November 6, 2009.
Vikianbarda İsrailsayağı səhər yeməyi ilə əlaqəli mediafayllar var.
