İsmail Alper Coşkun (1966, Ankara) — türk diplomatı və siyasətçi, Türkiyənin Azərbaycanda fövqəladə və səlahiyyətli səfiri (16 sentyabr 2012 — 7 oktyabr 2016),[1] [2] Türkiyənin BMT-da nümayəndəsi.
| İsmail Alper Coşkun | |
|---|---|
| türk. İsmail Alper Coşkun | |
| Fayl:Trend-ismail-alper-coshkun-020816-1.jpg | |
 .svg){kind=small} | |
| Şəxsi məlumatlar | |
| Doğum tarixi | |
| Doğum yeri | |
| Təhsili |
Boğaziçi Universiteti ABŞ St John's Universiteti |
| Fəaliyyəti | diplomat |
Alper Coşkun 1966-cı ildə Ankarada anadan olub. Boğaziçi Universitetində bakalavr dərəcəsini alıb sonra ABŞ-da təhsilini davam etdirib və St John's Universitetində Dövlət İdarəçiliyi və Siyasət üzrə magistr təhsili alıb. Ailəlidir, iki övladı var.
Alper Coşkun 1988-ci ildə Türkiyə Xarici İşlər Nazirliyində işə başlayıb. O, Rusiya səfirliyində ikinci və üçüncü katib, Türkiyənin Afina səfirliyində ikinci və baş katib vəzifələrində çalışıb.[3]
2001-ci ildə Türkiyənin BMT-dəki nümayəndəsi təyin edilib.
2005-ci ildə Türkiyənin NATO-dakı nümayəndəliyində daimi nümayəndənin müavini olub[4]
2010-cu ildə Alper Coşkun NATO nümayəndəliyində şöbə müdürü, daha sonra Təhlükəsizlik və Kəşfiyyat Baş İdarəsi direktorunun müavini vəzifəsinə təyin edilib. Həmçinin o vaxt Romadakı NATO Müdafiə Kollecində dərs deyirdi.
2012-ci ildə Türkiyənin Azərbaycandakı səfiri təyin olunub. Burada o, Türkiyənin ən fəal və ən böyük diplomatik nümayəndəliklərindən birinə rəhbərlik edib.[2] Öz növbəsində səfir A. Coşkun Azərbaycana təyin olunmasından qürur duyduğunu bildirib və ikitərəfli münasibətlərin daha da möhkəmləndirilməsi üçün əlindən gələni edəcəyinə söz vermişdir. 2016-cı ilə qədər bu vəzifədə işləyib.[5][6][4][7]
2016 - 2019-cu illərdə Xarici İşlər Nazirliyinin mərkəzi ofisində NATO, Transatlantik əlaqələr və Avro-Atlantik təhlükəsizlik/müdafiə işləri və Beynəlxalq Təhlükəsizlik Məsələləri üzrə rəhbər olub.[8]
2021-ci ilin iyulunda, 32 il Türkiyə Xarici İşlər Nazirliyində çalışmış Alper Coşkun təqaüdə çıxdı.[8] O, 2021-ci ilin oktyabr ayından Vaşinqtonda yerləşən Karnegi Fondunun (CEIP) Avropa Proqramında Türkiyə və Dünya Layihəsinə rəhbərlik edir. Alper Coşqunun Türkiyə ilə bağlı araşdırmaları Türkiyənin xarici siyasətinə, xüsusən də ABŞ və Avropa ilə münasibətlərinə yönəlib.[8]
- ↑ Büyükelçilik Tarihi ve Önceki Büyükelçilerimiz
- ↑ 1 2 İlham Əliyev Türkiyənin Azərbaycanda yeni təyin olunmuş səfirinin etimadnaməsini qəbul etmişdir Arxivləşdirilib 2020-08-15 at the Wayback Machine. president.az, 24.09.2012 (az.)
- ↑ Amb. Alper Coşkun
- ↑ 1 2 Senior Fellow, Europe Program
- ↑ Исмаил Альпер Джошкун: Для развития азербайджано-турецких отношений есть мощная политическая воля и здоровая основа
- ↑ Ismail Alper Coskun: There is a very strong political will and solid foundation for the development of Azerbaijani-Turkish relations
- ↑ Turkey appoints new ambassador to Azerbaijan
- ↑ 1 2 3 ALPER COŞKUN