İrəm Yaman (türk. İrem Yaman) — türk taekvondoçusu. 62 kq çəki dərəcəsində ikiqat dünya çempionu (2015, 2019), ikiqat Avropa çempionu (2016, 2018).
| İrəm Yaman | |
|---|---|
| türk. İrem Yaman[1] | |
| Şəxsi məlumatlar | |
| Vətəndaşlığı | |
| Doğum tarixi | 4 avqust 1995 (29 yaş) |
| Doğum yeri | |
| Təhsili | |
| İdman növü | taekvondo |
İrəm Yaman 4 avqust 1995-ci ildə Ankarada anadan olub. Taekvondo ilə 8 yaşında məşğul olmağa başlayıb[3].
Hacettepe Universitetini İdman Elmləri Fakültəsini bitirib və universitetin taekvondo komandasının üzvü olub. Bakalavr dərəcəsi aldıqdan sonra Konyada Səlcuq Universitetinin idman bölməsində təhsilini davam etdirmiş, oranı bitirdikdən sonra magistr dərəcəsi almışdır[3].
2012-ci ildə Bratislavada yeniyetmələr və gənclər arasında kikboksinq üzrə dünya çempionatında Yaman 70 kq-dan yuxarı yeddi kontakt kateqoriyasında bürünc medal qazanmışdır. Bir il sonra o, Polşanın Krınisa-Zdruy şəhərində keçirilən kikboksinq üzrə gənclər arasında Avropa çempionatında gümüş medal qazanmışdır.
Yaman beynəlxalq səviyyədə taekvondoda 2014-cü ildə İnsbrukda gənclər arasında keçirilən çempionatda iştirak etməsi ilə debüt edir və burada 67 kq çəki dərəcəsində qalib gəlir[4].
Bir il sonra Çelyabinskdə keçirilən dünya çempionatının 62 kq çəki dərəcəsində final görüşündə ispaniyalı Marta Kalvo üzərində inamlı qələbə qazanan 18 yaşlı Yaman ilk dəfə dünya çempionu olub[5][6][7].
Sonradan türkiyəli idmançı iki dəfə Avropa çempionu (2016-cı ildə Montro[8] və 2018-ci ildə Kazanda[9]), iki dəfə Universiadanın qalibi (2017-ci ildə Taypey[10] və 2019-cu ildə Napoli[11]) olmaqla, müxtəlif beynəlxalq yarışlarda yüksək səviyyəsini dəfələrlə təsdiqləyib. Böyük Dəbilqə turnirinin qalibi olub (2017-ci ildə Usi).
2019-cu ildə Mançesterdə keçirilən Dünya Çempionatında İrem dünya çempionatlarında karyerasında ikinci qızılını qazanaraq belə bir nailiyyət əldə edən ilk türk taekvondoçusu olur[12].
2021-ci ildə Yaman idman karyerasını bitirdiyini elan edir[13].
- ↑ 1 2 3 https://halktv.com.tr/spor/dunya-ve-avrupa-sampiyonu-irem-yaman-tekvandoyu-birakti-657192h.
- ↑ Katalanca Vikipediya (kat.). 2001.
- ↑ 1 2 "İrem Yaman kimdir kaç yaşında?" (türk). Hürriyet. 2018-05-14. 2023-04-05 tarixində arxivləşdirilib. İstifadə tarixi: 2023-04-05.
- ↑ "İrem Yaman ile Berkcan Süngü, Avrupa Şampiyonu oldu" (türk). Milliyet. 2014-09-27. 2023-04-05 tarixində arxivləşdirilib. İstifadə tarixi: 2023-04-05.
- ↑ "Turkish teen wins gold at World Taekwondo Championship". Anadolu Agency (ingilis). 2015-05-18. 2023-04-06 tarixində arxivləşdirilib. İstifadə tarixi: 2023-04-05.
- ↑ "İrem Yaman dünya şampiyonu oldu". TRT Spor (türk). 2015-05-18. 2023-04-06 tarixində arxivləşdirilib. İstifadə tarixi: 2023-04-05.
- ↑ "İrem Yaman Dünya şampiyonu..." (türk). Hürriyet. 2017-03-21. 2023-04-05 tarixində arxivləşdirilib. İstifadə tarixi: 2023-04-05.
- ↑ "ETU European Taekwondo Championships Draw to a Close in Montreux" (ingilis). World Taekwondo. 2016-05-22. 2023-04-05 tarixində arxivləşdirilib. İstifadə tarixi: 2023-04-05.
- ↑ "Taekwondo/62 kg Dames: La turque Irem Yaman championne d'Europe". Anadolu Agency (türk). 2018-05-13. 2023-04-06 tarixində arxivləşdirilib. İstifadə tarixi: 2023-04-05.
- ↑ "İrem Yaman 62 kiloda altın madalyanın sahibi oldu". TRT Spor (türk). 2017-08-24. 2023-04-06 tarixində arxivləşdirilib. İstifadə tarixi: 2023-04-05.
- ↑ "İrem Yaman ve Nafia Kuş'tan altın madalya". Anadolu Agency (türk). 2019-07-11. 2023-04-05 tarixində arxivləşdirilib. İstifadə tarixi: 2023-04-05.
- ↑ "Turkish athlete wins gold in World Taekwondo Championships". Anadolu Agency (ingilis). 2019-05-19. 2023-04-06 tarixində arxivləşdirilib. İstifadə tarixi: 2023-04-05.
- ↑ Dan Palmer. ""Gold Hunter" Yaman announces taekwondo retirement". insidethegames.biz (ingilis). 2021-12-27. 2023-04-06 tarixində arxivləşdirilib. İstifadə tarixi: 2023-04-05.