İbrahim Ağahüseyn oğlu Hüseynov (Şünasi) (20 oktyabr 1906, Bakı – 18 sentyabr 1961, Bakı) — Azərbaycan teatr aktyoru, Azərbaycan SSR əməkdar artisti (1943).
| İbrahim Hüseynov | |
|---|---|
 | |
| Digər adı | İbrahim Şünasi |
| Doğum tarixi | |
| Doğum yeri | Bakı, Bakı quberniyası, Rusiya İmperiyası |
| Vəfat tarixi | |
| Vəfat yeri | Bakı, Azərbaycan SSR, SSRİ |
| Vətəndaşlığı |
 Rusiya imperiyası→ Azərbaycan Xalq Cümhuriyyəti→ SSRİ |
| Fəaliyyəti | teatr aktyoru |
| Mükafatları |
  |
İbrahim Hüseynov 20 oktyabr 1906-cı ildə Bakıda varlı tacir Kərbəlayi Ağahüseynin ailəsində anadan olmuşdur.[1] Səhnə təxəllüsü "Şünasi" olan İbrahim Hüseynov yuxarı sinifdə oxuyanda Bakıdakı Mərkəzi fəhlə klubunun dram dərnəyinə üzv olmuş, 1929–1932-ci illərdə Bakı İşçi Teatrında, 1932–1935-ci illərdə Gəncə Dövlət Teatrında işləmişdir. 1935–1938-ci illərdə Mirzə Fətəli Axundov adına Bakı Teatr Məktəbində oxumuşdur.[2]
1929–1932-ci illərdə Bakı İşçi Teatrında "Anatollu, Dayıoğlu, Bibioğlu" proqramı olub. Tamaşaçılar arasında şöhrət qazanan proqramın ifaçıları Əhməd Anatollu (Anatollu), Qəzənfər Məlikov (Bibioğlu) və İbrahim Şünasi (Dayıoğlu) idilər.[2]
Aktyorun yaradıcılığının əsas dövrü Azərbaycan Dövlət Musiqili Komediya Teatrı ilə bağlıdır. O, 1938–1949 və 1956–1961-ci illərdə burada işləmiş, teatr müvəqqəti bağlananda 1949–1951-ci illərdə Azərbaycan Dövlət Dram Teatrında çalışmışdır. 1951–1956-cı illərdə Azərbaycan Dövlət Filarmoniyasının nəzdindəki muskomediya truppasında aktyorluq etmişdir.[2]
İbrahim Hüseynov 18 sentyabr 1961-ci ildə Bakıda vəfat etmişdir.[2]
- "Azərbaycan SSR əməkdar artisti" fəxri adı — 17 iyun 1943
- "Şərəf nişanı" ordeni — 9 iyun 1959
- Azərbaycan Dövlət Musiqili Komediya Teatrında
| Rol | Tamaşa | Müəllif |
|---|---|---|
| Həsən bəy | Məşədi İbad | Üzeyir Hacıbəyov |
| Mərcan bəy | Ər və arvad | Üzeyir Hacıbəyov |
| Vəli | Arşın mal alan | Üzeyir Hacıbəyov |
| Şulu | Əlli yaşında cavan | Zülfüqar Hacıbəyov |
| Sandro | Aşıq Qərib | Zülfüqar Hacıbəyov |
| Məşədi Səfi | Evliykən subay | Zülfüqar Hacıbəyov |
| Qoşun və Uzun | Toy kimindir? | Məhərrəm Əlizadə və Ağası Məşədibəyov |
| Xacə Məsud | Lənkəran xanının vəziri | Mirzə Fətəli Axundov və Niyazi |
| Etibar və Azay | Qızılgül | Məhərrəm Əlizadə və Soltan Hacıbəyov |
| Hatəmxan ağa və Şahbaz bəy | Müsyö Jordan və dərviş Məstəli şah | Mirzə Fətəli Axundov və Şəmsəddin Fətullayev |
| Kamil | Məhəbbət gülü | Hüseyn Muxtarov və Süleyman Ələsgərov |
| Salyanski | Gözün aydın | Məhərrəm Əlizadə və Fikrət Əmirov |
| Dursun | Duma | Süleyman Rüstəm və Səid Rüstəmov |
| Möhsün | Ulduz | Sabit Rəhman və Süleyman Ələsgərov |
| Əmin | Qızılaxtaranlar | Həsən Seyidbəyli və Tofiq Quliyev |
| Baləmi | Rəisin arvadı | Məhərrəm Əlizadə və Səid Rüstəmov |
| Çiko | Keto və Kote | Vladimir Dolidze |
| Napoleon | Bayadera | İmre Kalman |
- Bakı İşçi Teatrında
| Rol | Tamaşa | Müəllif |
|---|---|---|
| Birinci tələbə | Notrdam kilsəsi | Viktor Hüqo |
| Qonaq | Çinar altında məhəbbət | Yucin O'Nil |
| Lyutov | Küləklər şəhəri | Vladimir Kirşon |
| Cəlaləddin | Hind qızı | Əbdülhəq Hamid |
| Novruz | Yollar | Hacıbaba Nəzərli |
- Azərbaycan Dövlət Dram Teatrında
| Rol | Tamaşa | Müəllif |
|---|---|---|
| Mağaza müdiri | Kimdir müqəssir? | Georgi Mdivani |
| Gəray | Böyük məhəbbət | Cabbar Məcnunbəyov |
| Dördüncü əsgər | Amerikanın səsi | Boris Lavrenyov |
- ↑ Cəfərzadə, K. "Sənətdə keçən ömür: İbrahim Hüseynov". "Mədəniyyət" qəzeti. 11 yanvar 2012. səh. 15.
- 1 2 3 4 İlham Rəhimli. Azərbaycan Teatr Ensiklopediyası (3 cilddə). 2-ci cild. Bakı: Azərnəşr. 2017. səh. 115–116. ISBN 978-9952-8021-9-1.