Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinÜçlük kilsəsi və ya Müqəddəs Üçlük kilsəsi (ing. Trinity Church (Manhattan)) — Nyu-York şəhərinin Aşağı Manhetten bölgəsində yerləşən kilsə.
| anqlikanizm[d] | |
| Üçlük kilsəsi | |
|---|---|
 | |
 | |
| Ölkə | |
| Üslubu | neoqotika |
| trinitywallstreet.org | |
 Vikianbarda əlaqəli mediafayllar | |
1696-cı ildə Qubernator Benjamin Fletçer, Aşağı Manhettendə İngiltərə Kilsəsi icması üçün yeni bir kilsə inşa etmək məqsədi ilə torpaq alınmasını təsdiqlədi. Kilsənin inşası üçün 6 may 1697-ci ildə Kral III Vilyam tərəfindən xartiya verildi.[2]
_Broadway_at_Wall_Street,_New_York,_N._Y.jpg)
Birinci Üçlük kilsəsi binası sadə düzbucaqlı bir quruluş və kiçik eyvanı olan bir dam ilə 1698-ci ildə Hudzon çayına baxan Voll küşəsində inşa edilmişdir. Kilsənin inşa edildiyi ərazi əvvəllər bağ və daha sonra məzarlıq idi. 1696-cı ildə İngiltərə kilsəsinin üzvləri (Anqlikanlar) Nyu-York Şəhərində "kilsəyə qanuni status verən xartiya" əldə etmək üçün etiraz etdilər.[3]
1705-ci ildə İngiltərə kraliçası Anna torpaq sahəsini 215 akr (870,000 m²) qədər artırdı. Daha sonra 1709-cu ildə Vilyam Huddleston, kilsənin Xeyriyyə Məktəbi olaraq Üçlük kilsəsi məktəbini qurdu və dərslər əvvəlcə kilsənin zəng qülləsində keçirilirdi. 1754-cü ildə Böyük Britaniya kralı II Georg tərəfindən Kral Kollec (hazırki Kolumbiya Universiteti) xartiyasını verdi[4] və təlimlər kilsə yaxınlığındakı bir məktəb binasında səkkiz tələbə ilə başladı.[5]
İkinci Üçlük kilsəsinin inşası 1788-ci ildə başladı və 1790-cı ildə təqdis edildi. İkinci Üçlük kilsəsi inşa edilərkən Müqəddəs Pavel kilsəsinin layihəsindən isifadə edildi. İkinci Üçlük kilsəsi Voll küçəsinə baxan tərəfdə inşa edildi. O, 85 m hündürlüyündə idi və əvvəlkindən daha uzun və geniş idi. Daha böyük bir kilsə inşa etmək ehtiyacdan irəli gəlirdi, çünki Nyu-York şəhərinin əhalisi artırdı. Kilsə 1838-1839-cu illərin qışında şiddətli qar yağışları nəticəsində zədələndikdən sonra söküldü. İkinci Üçlük kilsəsi siyasi cəhətdən əhəmiyyətli idi, çünki Prezident Corc Vaşinqton və hökumət üzvləri tez-tez orada ibadət edirdilər. Digər məşhur icma üzvləri arasında Con Cey və Aleksandr Hamilton da var idi.[6]
Üçüncü və hazırkı Üçlük kilsəsinin inşası 1839-cu ildə başladı və 1846-cı ildə tamamlandı. Nyu-York Yepiskopu Üçlük kilsəsini Mərac Günü (1 may) 1846-cı ildə təqdis etdikdə, onun ucalan Qotika üslublu şpili və üzərindəki qızıl xaç, Aşağı Manhettenin ən uca binası sayılırdı. Üçlük kilsəsi Nyu-York limanına daxil olan gəmilər üçün xoş bir işarə idi. 1843-cü ildə Üçlük kilsəsinin genişləndirildi. Şəhərin böyüməsi və icma üzvlərinin ehtiyaclarını daha yaxşı qarşılamaq üçün genişləndi. Yeni kilsə binası 1846-cı ildə tamamlandı və təqdis edildi.
- ↑ 1 2 ArchINFORM (alm.). 1994.
- ↑ "Trinity Church and Graveyard". National Historic Landmark summary listing. National Park Service. 11 sentyabr 2007. 29 dekabr 2007 tarixində orijinalından arxivləşdirilib.
- ↑ Howe, Kathy; Robins, Anthony. "National Register of Historic Places Registration Form: Wall Street Historic District". en:National Register of Historic Places. 3 avqust 2006. İstifadə tarixi: 7 iyul 2024 – National Archives vasitəsilə.
- ↑ W. Williamls, Peter. Encyclopedia of Religion in America. University of Philadelphia University Press. 2010. səh. 744. ISBN 9780252009327.
- ↑ "Trinity Church and Graveyard" (PDF). en:New York City Landmarks Preservation Commission. 16 avqust 1966. 20 avqust 2019 tarixində arxivləşdirilib (PDF). İstifadə tarixi: 28 iyul 2019.
- ↑ "History". Trinity Church (ingilis). 26 mart 2016. 25 yanvar 2021 tarixində arxivləşdirilib. İstifadə tarixi: 31 dekabr 2020.
- Trinity Wall Street.org – Trinity Church Official Website
- Trinity Real Estate – Official website for Trinity Church's real estate holdings