Çarli Bartlett (ing. Charlie Bartlett) — 2007-ci ildə istehsal edilmiş ABŞ gənclik komediya-dram janrında film. Con Pollun rejissorluğu ilə çəkilən ekran əsərinin ssenari müəllifi Qastin Neşdir. Süjet xətti yeni təhsil aldığı məktəbdə məşhurlaşmaq məqsədilə şagirdlərə psixoloji məsləhətlər verən və dərman preparatları paylayan yeniyetmənin həyatından bəhs edir.
| Çarli Bartlett | |
|---|---|
| ing. Charlie Bartlett | |
 | |
| Janr | komediya filmi, dram filmi |
| Əsas mövzu | disfunksional ailə[d] |
| Baş rollarda | |
| Montajçı | Alan Baumqarten[d] |
| İstehsalçı | Metro-Goldwyn-Mayer |
| Distribütor | Metro-Goldwyn-Mayer, Netflix |
| İlk baxış tarixi | 2007 |
| Müddət | 97 dəq. |
| Ölkə | |
| Dil | ingilis dili |
| Rəng | rəngli[d] |
| Çəkiliş yeri | Toronto |
| IMDb | ID0423977 |
Film 2007-ci il mayın 1-də Traybeka Film Festivalında ilk nümayişini həyata keçirmiş, daha sonra Kann Film Bazarında, Maui Film Festivalında və Kembric Film Festivalında nümayiş olunduqdan sonra 2008-ci il fevralın 22-də Amerika Birləşmiş Ştatları və Kanadada kinoteatr şəbəkəsinə buraxılmışdır. Film tənqidçilər tərəfindən müxtəlif rəylər almış və 12 milyon dollar büdcəyə qarşı 5.3 milyon dollar gəlir əldə etmişdir.[5][6]
Bütün özəl təhsil ocaqlarından bir-bir qovulduqdan sonra, var-dövlət içində böyümüş yeniyetmə Çarli Bartlett adlı gənc, həyatın acısını-şirinini dadmış, işindən bezmiş direktor Neytan Qardnerin rəhbərlik etdiyi dövlət məktəbində özünə yer tapmaqda əməlli-başlı çətinlik çəkir, necə deyərlər, heç cür adaptasiya oluna bilmir. Lakin zaman keçdikcə, məktəbin daxili aləmini, oradakı münasibətlər sistemini və sosial pilləkəni daha dərindən qavramağa başlayan Çarlinin qəlbən səmimi olması, insanlarla xoş rəftarı və ürəyiaçıqlığı sayəsində hamının etibarını qazanır. Get-gedə şagirdlər arasında "psixoloq" və ya "məsləhətçi" kimi ad çıxarır. Hətta bir vaxtlar ona göz verib-işıq verməyən, indi isə biznes ortağına çevrilmiş Mörfi Bivens adlı məktəb yoldaşı ilə əlbir olaraq, dərd-səri olan şagirdlərə psixoloji dəstək göstərir, bəzən də lazım gələndə dərman reseptləri yazır. Bu minvalla həyatına davam edərkən, bir gün ağlına gəlir ki, başqalarına verdiyi məsləhətlərin bir qismini öz həyatında da tətbiq etsin. Beləliklə, sevgi-məhəbbət macəralarına atılmağa və ən əsası, özünü olduğu kimi qəbul etməyi öyrənməyə qərar verir.
- Anton Yelçin — Çarli Bartlett
- Houp Devis — Merilin Bartlett
- Ket Denninqs — Syuzan Qardner
- Robert Dauni — Neytan Qardner
- Tayler Hilton — Mörfi Bivens
- ↑ 1 2 3 http://www.metacritic.com/movie/charlie-bartlett.
- ↑ http://www.filmaffinity.com/en/film103833.html.
- ↑ 1 2 3 http://www.imdb.com/title/tt0423977/fullcredits.
- ↑ 1 2 Česko-Slovenská filmová databáze (çeş.). 2001.
- ↑ Ella Taylor. "Robert Downey Jr. and Charlie Bartlett". www.villagevoice.com. February 19, 2008. İstifadə tarixi: 2024-01-01.
- ↑ "Charlie Bartlett Movie: Showtimes, Review, Trailer, Posters, News & Videos | eTimes". The Times of India. İstifadə tarixi: 2024-01-01.