== Azərbaycanlı aparıcı Nurlana Cəfərova Sakit qızı 1988-ci ilin 24 sentyabr tarixində Bakı şəhərində dünyaya göz açıb. İxtisasca filoloq olan aparıcı ilk dəfə 2006-cı ilin iyun ayında Azad Azərbaycan televiziyasının elan etdiyi müsabiqədə iştirak edərək, müsabiqə qalibi kimi 106.3 FM radiosunda çalışmağa başlamışdır. İlk radio efirinə Emin Müsəvi ilə birlikdə 2006-cı ilin 25 sentyabrında çıxmışdır. Həmin ilin sonu, şəxsi istəyi ilə 106 FM radiosunda işə davam edərək, 2007-ci ilin yanvar ayında ATV kanalında "TOP 10" adlı ilk televiziya efirinə başlamışdır. Daha sonra, Azad Azərbaycan televiziyasının efirində , həmmüəllifi olduğu "ATV Club" verilişini müğənni Azad Şabanovla birlikdə tamaşaçılara təqdim etmişdir. Ardınca , "ATV Səhər" və "FreeZone" verilişləri ilə efirdə olan aparıcı, paralel olaraq radio fəaliyyətini davam etdirmişdir.

2013-2016-cı illər ərzimdə 106 FM radiosunun direktoru vəzifəsində çalışaraq bir çox yeniliklərə və uğurlara imza atmışdır.

2016-cı il Formula 1 yarışının tədbir aparıcısı, 2017-ci il İslam Həmrəyliyi Oyunlarının boks və zorxana oyunları üzrə şərhçi aparıcısı kimi işləmişdir.

2016-cı ilin oktyabr ayından Azərbaycan Televiziya və Radiosu Qapalı Səhmdar Cəmiyyətində çalışmağa başlayan Nurlana Cəfərova ilk olaraq Mədəniyyət Kanalının gündəlik proqramı olan "Görüş Yeri" verilişini tamaşaçılara təqdim edir. Daha sonra, Azərbaycan Televiziyasının "Bakı Gecələri" verilişi yayıma başlayır. Nurlana həm də İdman Azərbaycan kanalının "Mərc Meydanı" verilişinin aparıcısıdır.

2017ci ilin oktyabr ayından etibarən aparıcı həm də kanalın Musiqi və Əyləncəli proqramlar departamentinin baş redaktoru vəzifəsində çalışır.