Zvornik gölü (serb. Зворничко језеро, bosn. Zvorničko jezero) ― Bosniya və Herseqovina və Serbiya sərhədində yerləşən süni göl. Göl Drina çayı üzərində su-elektrik stansiyası tikildikdən sonra yaradılmışdır. Bəndin və onu müşayiət edən obyektlərin inşası üzrə hazırlıq işləri 1948-ci ildə başlamış və 1955-ci ildə göl hövzəsi su ilə doldurulmuşdur.
| Zvornik gölü | |
|---|---|
 | |
| Ümumi məlumatlar | |
| Mütləq hündürlüyü | 140 m |
| Eni | 3.000 m |
| Uzunluğu |
|
| Sahəsi |
|
| Həcmi | 42 hm³, 126 hm³ |
| Dərin yeri | 28 m, 39 m |
| Yerləşməsi | |
| 44°18′38″ şm. e. 19°08′21″ ş. u. | |
| Ölkə | |
|
|
|
 Vikianbarda əlaqəli mediafayllar | |
Zvornik gölü dəniz səviyyəsindən 140 m yüksəklikdə yerləşir. Göl 25 km uzunluğundadır və 8,1 km² ərazini əhatə edir. Ən dar hissəsində 200 m, ən geniş hissəsində 3 km enindədir. Gölün orta dərinliyi 11 m, ölçülən maksimum dərinliyi isə 39 metrdir.
Turizm
Gölün ətrafında çox sayda kottec və turizm iaşə obyektləri var. Göl tətil, balıq ovu və raftinq, yelkənli qayıq və üzgüçülük kimi su idmanları üçün əlverişlidir.
Vəhşi həyat
Göl böyük naqqa balıqları ilə məşhurdur. Göldə həmçinin durnabalığı, adi sıf, Dunay qızılbalığı, çəki, ağ amur və Chalcalburnus chalcoides kimi başqa balıq növlərinə də rast gəlinir.
Zvornik gölündə 3 metr (9.8 ft)-ə qədər uzunluqda və 100 kiloqramdan ağır nəhəng balıqların yaşadığına inanılır. Bu cür böyük nümunələr hələ tutulmamışdır və 2017-ci ilin iyul ayında gölün bir hissəsini araşdırmaq üçün işə dalğıclar cəlb edilmişdir. Dalğıclar 15 metr (49 ft)-ə çatsa da, bu qədər böyük bir balığa rast gəlməmişdir. Bununla birlikdə, dalğıclardan bir neçə gün əvvəl Boranya çayının mənsəbi yaxınlığında çəkisi 37 kq olan 1,86 metr uzunluğunda balıq tutulmuşdu.
1998-ci ildən bəri ərazidə illik balıq ovu şənliyi təşkil edilir. Göldə tutulan ən ağır balıq 87 kiloqram olmuşdur.
İstinadlar
- ↑ .
- .
- (ingilis). drina-fishing.com. 20 mart 2009. 2008-08-28 tarixində . İstifadə tarixi: 2021-03-30.
- S.Simić, "Ronioci kamerama "lovili" somove", Politika-Magazin No. 1034 (serb), 23 iyul 2017, 28–29