Ziyadxan Kiryakov 1926-cı il may ayının 15-də Marneuli rayonunun Gorarxı kəndində dünyaya göz açıb. Orta təhsilini Tbilisidə alıb. 1942-ci ildə könüllü olaraq ordu sıralarına daxil olub və müharibədən sonra 1945-ci ildə ordudan tərxis edilib. Hazırda əmək və müharibə veteranıdır.

Ziyadxan Kiryakov hazırda 7 nəvə, 9 nəticə babasıdır.

İş fəaliyyətinə 1946-cı ildən Tbilisi şəhərində Tədarük nazirinin katibi vəzifəsi ilə başlayıb.

• 1947-ci ildə Mərkəzi Komsomol Komitəsinin inspektoru;
• 1949-cu ildə Tbilisi şəhərinin Kirov rayonu evlər müdiri;
• 1950–1952-ci illərdə SSRİ Daxili İşlər Nazirliyinin Çimlyanevski düşərgə şöbəsinin baş müfəttişliyində və Rostov vilayətində baş "Hidrovolqa "ev tikintisi idarədə işləyib.
• 1953-cü ildə Gürcüstanın Tianeti rayonunun Artilleriyanın İdarə Heyətinin sədri;
• 1954-cü ildə Stalin adına Rustavi Metallurgiya zavodunun Domna sexində rəis müavini;
• 1955-ci ildə Algeti Kant İstehlak Cəmiyyətinin sədr müavini;
• 1965-ci ildə Marneuli şəhərinin İctimai qida-sənaye idarəsində direktor müavini və eyni zamanda yeməkxana və restoran istehsalının direktoru;
• 1960–1975‑ ci illərdə Marneuli şəhəri Birləşmiş ictimai işlər idarəsində direktor müavini;
• 1975–1982-ci illərdə Marneuli neft bazasının baş operatoru;
• 1982–1995-ci illərdə Marneuli istehlak cəmiyyətində müxtəlif mağazaların direktoru işləyib.

1995-ci ildən bu günə qədər Marneuli şəhərinin Mərkəzi bazarının direktorunun birinci müavini vəzifəsində çalışır. 2003-cü il iyul ayının 8-də Marneuli şəhərində Təqaüdçülərin Hüquqlarının Müdafiəsi Assosiasiyasını yaradıb.

Dövlət qarşısında göstərdiyi xidmətlərə görə 2003-cü ildə eks-prezident Eduard Şevardnadzenin 668-ci qərarına əsasən Marneuli şəhərində müharibə veteranları hərəkatının inkişafında, gürcü və Azərbaycan xalqları arasında dostluğun möhkəmləndirilməsində və veteranların sosial vəziyyətinin yaxşılaşdırılmasında göstərdiyi öz şəxsi yardımına, səmərəli əməyi və ictimai işgüzarlığına görə, Marneuli şəhər Veteranların Hüquqlarının Müdafiəsi Komitəsinin və Gürcüstan Azərbaycanlıları Birliyinin Qocalar şurasının rəhbəri, müharibə və əmək veteranına qayğısına görə Ləyaqət ordenilə mükafatlandırılıb.

• Xidmətlərinə görə birinci dərəcəli Vətən Müharibəsi ordenilə və onlarla hökumət medalları ilə təltif edilib. Dörd uşaq atasıdır.
• 2010-cu ilin mayın 9-da Gürcüstan Prezidenti Mixail Saakaşvili tərəfindən Faşizm üzərində qələbənin 65 illik yubileyi ilə əlaqədar keçirilən tədbirdə orden ilə təltif edilib.