O, Qureyş qəbiləsinin Əsəd qolundan olmuşdur. Onun atasının adı Cəhş ibn Riab ibn Yəmərə ibn Səbra ibn Murra ibn Əsəd ibn Xuzeymə, anası isə Umeymə bint Əbdülmütəllib ibn Haşimdir.

Zeynəb binti Cəhş ilk müsəlman qadınlardan biridir. O, Məhəmməd peyğəmbərin peyğəmbərliyinin başlamasından təxminən 20 il əvvəl anadan olmuşdur. Doğulanda onun adı Bərra olmuşdur, lakin Məhəmməd peyğəmbər ona yeni ad - Zeynəb adını verir.

Zeynəb subay qız ikən Mədinəyə ilk köçənlər arasında olur. Məhəmməd peyğəmbər onun azad edilmiş qul olan Zeyd ibn Haris ilə evləndirmək istəyir. Cahiliyyə dövrünün adətlərinə görə azad bir qadın keçmiş qulla evlənə bilməzdi. Zeynəb və qardaşları bu evliliyə qarşı idilər, lakin Əhzab surəsinin 36-cı ayəsi nazil olduqdan sonra o, bu evliliyə razı olur. Zeyd ibn Harisə ilə evliliyi uğurlu olmur və Zeyd arvadını boşamağa qərar verir. Məhəmməd peyğəmbərin bütün nəsihətlərinə baxmayaraq, bir ildən sonra onlar boşanır.

Zeynəb zəhmətkeş və fəzilətli bir qadın olur. Zeynəb binti Cəhş 53 yaşında Mədinədə vəfat edir. Zeynəb hicrətin 20-ci ilində 53 yaşında ikən ölmüşdür. Ömər ibn Xəttab qıldırmışdır.