Pənahov Zaur Maarif oğlu (Zaur Pənahov) — yazıçı.
| Zaur Pənahov | |
|---|---|
| Zaur Pənahov Maarif oğlu | |
| Doğum tarixi | |
| Doğum yeri | Kür qəsəbəsi, Şəmkir |
| Vətəndaşlığı |
 Azərbaycan
|
| Milliyyəti | azərbaycanlı |
| Təhsili | Qafqaz Universiteti/>Dünya İqtisadiyyatı |
| Fəaliyyəti | yazıçı |
| Fəaliyyət illəri | 2011 |
| Əsərlərinin dili | azərbaycanca |
| Janr | Fantastika |
| İlk əsəri | Qaranlıq Günəş:Xeyrin Çöküşü |
Həyatı
Pənahov Zaur Maarif oğlu, 3 Aprel 1988-ci ildə Şəmkir rayon Kür qəsəbəsində anadan olub, ilk təhsilini elə burda almışdır.
Qafqaz Universitetinin Dünya iqtisadiyyatı fakultəsində ali təhsil almışdır.
Yaradıcılığı
İlk dəfə tələbəliyin birinci ilində yazmağa cəhd edən yazıçı, uzun müddət buna nail ola bilməmişdir. Öz dili ilə desək: -Həyat təcrübəm və biliyimin buna kifayət etmədiyini gördüm.- beləliklə o, daha üç il gözləməyə və bu müddət ərzində özünü yazıçılq həyatına hazırlamağa başladı. Özünün və "Qaranlıq Günəş" seryasının ilk kitabı olan "Xeyrin çöküşü" əsərini 2009-cu ildə yazmağa başlamışdır. -Həyatımın ən ağır və həyəcanlı keçən iki ili- deyir yazıçı. 2011-ci ildə Qanun nəşriyatı tərəfindən işıq üzü görən "Qaranlıq Günəş - Xeyrin çöküşü" Azərbaycanda ilk fentezi (fantastik qurğu) janrında yazılmış əsərdir. 1000 nüsxə ilə çap olunan əsər, Azərbaycanda gözlənilməyən bir maraqla qarşılanmış və qısa müddətdə öz oxucu kütləsini başına toplamışdır. 2011-ci ildə hərbi xidmətə çağırılan yazıçı, bir il sonra, 2012-ci ildə başladığı, "Qaranlıq Günəş" seriyasının davamı olan "Həyat sandığı" əsərini qələmə almışdır. 2014-cü ilin yanvar ayında gün üzü görən əsər, üç ildir həsrətlə gözləyən oxucularını sevindirmişdir. Yazıçı, hazırda seryanın üçüncü kitabı olan "Ölüm mələyi"ni yazmaqdadır.
Əsərləri
- Qaranlıq günəş: Xeyrin çöküşü, Bakı, «Qanun» Nəşriyyatı, 2011
- Qaranlıq günəş: Həyat sandığı, Bakı, «Hədəf» Nəşriyyatı, 2014
İş həyatı
2014-cü ildə İçərişəhər bookhouse and cafe`nin iki partniyorundan biri, növbəti il isə əsas sahibi olan yazıçı, qısa müddətdə biznes həyatında da uğur qazanmışdır. - Bura yalnız kitab evi deyil, həm də intelektual gənclərin rahat toplaşa biləcəyi ikinci evləridir, deyir yazıçı. İki illik iş həyatından sonra üçüncü kitabını tamamlamaq üçün biznesə qısa fasilə verən yazıçı, hazırda "PAN MMC" şirkətini öz rəhbərliyi altında qurmaqdadır. Əsas vəzifəsinin yerli əsərlərin xarici bazara çıxarmaq olan PAN nəşriyatı, tərcüməçi və redaktor heyəti ilə ölkəni bütün dünyada təmsil etməyə hazırlaşır.
İstinadlar
Yazıçı ilə 2015-il tarixli reportaj.
Qaranlıq Günəş, facebook sahifəsi. facebook.com/QGfans
Yazıçı ilə 2017-il tarixli reportaj
Xarici keçidlər