Mirzǝzadǝ Zaur Mübariz oğlu 23 sentyabr 1983-cü ildǝ Bakıda anadan olub. 1990-cı ildǝ 189 saylı orta mǝktǝbǝ daxil olub, 1995-ci ildǝ "287 saylı Zǝkalar" liseyinǝ daxil olub, 2000-ci ildǝ hǝmǝn liseyi bitirib. Süleyman Əlǝsgǝrov adına 1 nömrǝli musiqi mǝktǝbindǝ tar ixtisası üzrǝ tǝhsil alıb. 2000-ci ildǝ Bakı Dövlǝt Universitetinin biologiya fakültǝsinǝ daxil olub, amma bu ixtisas üzrǝ tǝhsilini davam etdirmǝk istǝmǝdiyindǝn bu sahǝdǝ tǝhsilini yarımçıq qoyub. 2001-ci ildǝ "Neft vǝ Qaz yataqlarının işlǝnmǝsi vǝ istismarı" fakültǝsinǝ daxil olub, 2005-cı ildǝ bitirib.

2005-2006-ci illǝrdǝ ordu sıralarında xidmǝt edib.

2007 vǝ 2008-ci illǝrdǝ Ukraynada 2017-2018-ci illǝr isǝ Çexiyada rejissorluqdan vǝ prodüser işindǝn masterklasslar almışdır. Hal hazırda ikinci ali tǝhsilini alır.

İncǝsǝnǝtǝ hǝdsiz maraq göstǝrǝn Mirzǝzadǝ, 2007-ci ildǝ tǝhsilini davam etdirmǝk üçün Ukraynanın paytaxtı Kiyev şǝhǝrinǝ yola düşür, rejissorluqdan master klasslar alır. Bir müddǝt orda qalır reklam çarxları çǝkir vǝ tv layihǝlǝrdǝ çalışır. 2008-ci ildǝ Bakıya qayıdır Lider Tv- yǝ işǝ düzǝlir vǝ 2013-ci ilǝdǝk orda çalışır. Bir çox layihǝlǝrdǝ hǝm aparıcı,hǝm prodüser,hǝm rejissor, hǝmdǝ müǝllif kimi iştirak edib. 2013-cü 2014-cü illǝrdǝ "Express" bankın marketinq şöbǝsindǝ böyük mütǝxǝssis vǝzifǝsindǝ çalışıb. Space radiosunda aparıcı kimi fəaliyyət göstərib. 2018-2019-cu illərdə Bakı şəhər Baş Mədəniyyət İdarəsində şöbə müdiri vəzifəsində çalışıb. Hazırda "Azərbaycanfilm" kinostudiyasının prodüseri vəzifəsində çalışır

Kinoya hǝdsiz maraq göstǝrǝn Zaur Mirzǝzadǝ ard-arda böyük kassa toplayan vǝ ǝhalini kinoteatrlara cǝlb edǝn filmlǝr istehsal edir. 2014-ci il "Xoxan", 2016-cı il "Naxox", 2018-ci il "Tǝhmin vǝ Zaur".

• 2019-10-28 at the Wayback Machine
• ^{[ölü keçid]}

• ^{[ölü keçid]}