Zakir Tağıyev Vətən Ocağı Partiyasının və eyniadlı qəzetin təsisçisidir.

Biznesmen Zakir Tağıyev Azərbaycan-Ukrayna cəmiyyətinin sədri, "Təranə" Holdinqin prezidenti, "Təranə" futbol komandasının sahibi və sponsoru, ən sonda isə Azərbaycanda fəaliyyət göstərmiş Peşəkar Futbol Liqası (PFL) adlanan qurumun prezidenti olmuşdur.

1990-cı illərdə siyasi səhnədə olduğu kimi biznes sahəsində də özünü göstərən Z. Tağıyev həmin illərdə "Milyoner Zakir" ləqəbi qazanmışdı.

Vətən Ocağı Partiyası 13 fevral 1993-də Ana Vətən Partiyasına birləşmişdir. Lakin Ana Vətən Partiyasının Heydər Əliyevi dəstəkləməsi nəticəsində VOP-çular Ana Vətən Partiyasından istefa vermişdir.

VOP-çular bundan sonra Azərbaycan Hümmət Partiyasını təsis etmişdir.1993-cü il Azərbaycan Respublikası Prezidenti seçkilərində Azərbaycan Hümmət Partiyası prezidentliyə namizəd olaraq sədr Zakir Tağıyevi göstərmişdir.

O, 1995-ci ildə siyasətdən getmişdir.