Zərifə Əliyeva – 2022-ci ildə istismara verilmiş və Azərbaycan Xəzər Dəniz Gəmiçiliyinə məxsus olan Ro-Pax tipli gəmi-bərə. Gəmi alim və həkim Zərifə Əliyevanın şərəfinə adlandırılmışdır.
Zərifə Əliyeva
| |
|---|---|
 | |
| Sahibi | Azərbaycan Dövlət Xəzər Dəniz Gəmiçiliyi |
| İstismara verilmə tarixi | 28 aprel 2022 |
| İstehsalçı | Bakı Gəmiqayırma Zavodu |
| Şərəfinə adlandırılıb | Zərifə Əliyeva |
| Sinifi | Ro-Pax[d] |
 Vikianbarda əlaqəli mediafayllar | |
Tarixi
Gəmi-bərə Azərbaycan Xəzər Dəniz Gəmiçiliyinin sifarişi ilə Bakı Gəmiqayırma Zavodunda inşa olunmuşdur. Tikilib istismara verilməsi 3 ilə başa gəlmişdir. Gəmi-bərə 28 aprel 2022-ci ildə istismara verilmişdir. İstismara verilmə mərasimində Azərbaycan prezidenti İlham Əliyev iştirak etmişdir. İlk səfəri 5 may 2022-ci ildə Qazaxıstanın Kurık limanına olmuşdur.
Gəmi istismarda olduğu ilk il ərzində 163 səfər həyata keçirmiş, 148 vaqon, 1061 ədəd minik avtomobili, 5595 ədəd yük avtomobili/TIR, 5616 nəfər sərnişin daşımışdır. Səfərlər Aktau-Ələt, Ələt-Aktau, Türkmənbaşı-Ələt, Ələt-Türkmənbaşı, Kurık-Ələt, Ələt-Kurık istiqamətləri üzrə həyata keçirilmişdir. Almaniya prezidenti Frank-Valter Ştaynmayer 2023-cü ilin iyununda gəmini ziyarət etmişdir.
Xüsusiyyətlər
Gəmi-bərənin layihəsi 2021-ci ildə istismara verilən Ro-Pax tipli "Azərbaycan" gəmi-bərəsi ilə eynidir. Otuz nəfərlik heyət üzvünün idarə etdiyi gəmi-bərə ilə eyni vaxtda 100 sərnişin, sistern tipli 56 vaqon və ya 50 yük avtomobili/TIR daşımaq mümkündür. Gəminin uzunluğu 154,5 metr, eni 17,7 metr, bortunun hündürlüyü 7,5 metr, sürəti isə 14 uzeldir. "Azərbaycan" və "Zərifə Əliyeva" gəmi-bərələri bu göstəricilərinə görə Xəzər hövzəsində istismar olunan digər gəmi-bərələrdən daha öndədir. Gəmidə yük lifti, helikopter meydançası, dalğalı havada gəminin sabitləşdirilməsi sistemi, dartıcı lokomotivlər vardır.
Gəmi-bərədə akademik Zərifə Əliyevanın elmi axtarışlarını, qazandığı uğurları, insanlara münasibətini, həyat və fəaliyyətini əks etdirən guşə yaradılmışdır. Guşədə onun haqqında foto və video məlumatlar, kitablar toplanmışdır.
Populyar mədəniyyətdə
28 aprel 2023-cü ildə Azərbaycan Xəzər Dəniz Gəmiçiliyinin 165 illik yubileyinə həsr olunmuş iki poçt markasının birində "Zərifə Əliyeva" gəmi-bərəsi təsvir olunmuşdur.
Qalereya
-
İlham Əliyev istismara verilmə mərasimində. -
Zərifə Əliyevaya həsr olunmuş guşə. -
Göyərtə. -
Kabin. -
Yataq otağı.
İstinadlar
- ↑ . President.az. 28 aprel 2022. 2023-12-12 tarixində . İstifadə tarixi: 12 dekabr 2023.
- ↑ . Dəniz Xəbər. 28 aprel 2022. 2023-12-12 tarixində . İstifadə tarixi: 12 dekabr 2023.
- ↑ . ASCO. 5 may 2022. 12 December 2023 tarixində . İstifadə tarixi: 12 dekabr 2023.
- . AzərTAC. 28 aprel 2023. 2023-12-12 tarixində . İstifadə tarixi: 2023-12-12.
- . APA.az. 21 iyun 2023. 2023-12-12 tarixində . İstifadə tarixi: 12 dekabr 2023.
- . Azərpoçt. 28 aprel 2023. 2023-06-09 tarixində . İstifadə tarixi: 12 dekabr 2023.