Zöhrab Qədiyev (22.05.1964) — Azərbaycanlı beynəlxalq dərəcəli futbol hakimi və peşəkar futbolçu.

Zöhrab Qədiyev 1964-cü ildə Əmircan qəsəbəsində anadan olub. O, 1989 – 1990-cı illrdə keçmiş SSRİ çempionatında futbolçu kimi "Neftçi"nin şərəfini qoruyub, 1992–1993-cü illərdə Bakının "İnşaatçı" klubunun kapitanı olub, I Azərbaycan Kubokunu qazanıb və 1993–1997-ci illərdə Turan Tovuz klubunun futbolçusu olub.

1998–2010-cu illər ərzində müxtəlif dövrlərdə Azərbaycan Premyer Liqasının hakimi olub. 2002-ci ildə FİFA referisi adını alaraq, 2005-ci ilə qədər Azərbaycanı beynəlxalq arenalarda təmsil edib.