Yusif xan Ərfəi
Yusif xan Ərfəi (1891 - 1926) — İran jandarmasının zabiti.
| Yusif xan Ərfəi | |
|---|---|
| fars. یوسف ارفعی | |
| Doğum tarixi | |
| Doğum yeri | Təbriz, Cənubi Azərbaycan |
| Vəfat tarixi | |
| Vəfat yeri | Salmas, Cənubi Azərbaycan |
| Fəaliyyəti | hərbi qulluqçu |
Yusif xan Ərfəi 1891-ci ildə Təbriz şəhərində anadan olmuşdu. İlk təhsilini doğma şəhərində almışdı. Sonra Osmanlı dövlətinə, İstanbul şəhərinə yollanmışdı. Orta və hərbi təhsilə bu şəhərdə yiyələnmişdi. 1913-cü ildə Osmanlı ordusunda naib (leytenant) kimi xidmət etmişdi. Birinci dünya müharibəsi dövründə müxtəlif rütbələrlə döyüşmüşdü. Osmanlı cəbhələrində "Qızıl Ay" cəmiyyətində rəşadət və şücaət göstərmişdi. Almaniya qərargahı tərəfindən Dəmir xaç ordeni ilə təltif olunmuşdu. Osmanlı ordusunda sərvan (kapitan) rütbəsinə qədər yüksəlmişdi.
Yusif xan Ərfəi 1919-cu ildə artilleriya zabiti kimi vətənə dönmüşdü.İran jandarmasında xidmətə başlamışdı. 1921-ci ildə yavər (mayor) rütbəsinə layiq görüldü.
Yusif xan Ərfəi Təbriz ordusu yarandıqdan sonra topxana rəisi vəzifəsinə təyin edildi. Sərhəng (polkovnik) rütbəsi ilə Urmiya qoşununa da rəhbərlik etdi. 1925-ci ildə Üşnəviyyə hissəsinə rəis göndərildi. 1926-cı ildə Salmas kazarmasında baş verən üsyanda həmin hissənin rəisi idi. Güllə ataşi ilə qətl edildi.
- Ənvər Çingizoğlu, Qacarlar dövrünün hərbçiləri, Bakı, "Mütərcim", 2013. 334 səh.