Yon Dal Tomasson (dan. Jon Dahl Tomasson; 29 avqust 1976, Kopenhagen) — Danimarkalı keçmiş futbolçu, hücumçu mövqeyində oynayıb. İki Dünya Çempionatının və iki Avropa Çempionatının iştirakçısıdır. 52 qolla o, Pol Nilsenlə birlikdə Danimarka millisi tarixinin bombardiridir.
| Yon Dal Tomasson | |
|---|---|
 | |
| Ümumi məlumatlar | |
| Doğum tarixi | 29 avqust 1976(48 yaş) |
| Doğum yeri | |
| Vətəndaşlığı | |
| Boyu | 182 sm |
| Çəkisi | 72 kq |
| Mövqeyi | hücumçu |
 Vikianbarda əlaqəli mediafayllar | |
2013-cü ilin dekabrından 2014-cü ilin mayına kimi Hollandiyanın "Roda" klubunun baş məşqçisi olub. 2015-ci ilin iyun ayından 2016-cı ilə kimi "Vitesse" klubunda köməkçi məşqçi vəzifəsində çalışıb .
2016-cı ilin martından 2020-ci ilin yanvarına kimi Danimarka millisində baş məşqçi köməkçisi olub. Hazırda o, İsveçin "Malmö" klubuna rəhbərlik edir.
Klub karyerası
Tomasson beş yaşında Köqe şəhəri yaxınlığında yerləşən uşaqlardan ibarət "Solröd" klubunda futbol oynamağa başlayır.
Doqquz yaşında o, bölgənin ən böyük klublarından biri olan "Köqe" klubuna keçir. 1992-ci ilin noyabrında, 16 yaşında olarkən bu klubun əsas komandasında debüt edir.
1994-cü ildə Hollandiyanın "Heerenveen" klubuna keçir. Burada 78 oyunda 34 qol vurur.
1997-ci ildə İngiltərənin "Nyukasl" klubuna tranfer olunur. Burada bir mövsümdə 23 oyun keçirir.
1998-ci ildə Hollandiyaya geri dönur. Futbolçunun yeni komandası "Feyenoord" klubu olur. Futbolçu burada 2002-ci ilə kini çıxış edərək, 122 oyunda 55 qol vurur.
"Feyenoord"dakı oyunu ilə İtaliya nəhəngi "Milan"ın diqqətini cəlb edən futbolçu, 2002-ci ildə "Milan" klubuna transfer olunur. İtaliya klubunda 76 oyunda 22 dəfə fərqlənir.
"Milan"ı 2005-ci ildə tərk edən futbolçu, daha sonra Almaniyanın "Şturqart" və İspaniyanın "Vilyareal" komandalarında oynadıqdan sonra, 2008-ci ildə "Feyenoord" klubuna geri dönur. Burada daha 3 il oynadıqdan sonra 2011-ci ildə futbolçu karyerasını bitirir.
Uğurları
- "Feyenord"
- Hollandiya çempionu: 1998/99
- Hollandiya Superkubokunun qalibi: 1999
- UEFA Kubokunun qalibi: 2002
- "Milan"
- İtaliya kubokunun qalibi: 2003
- İtaliya çempionu: 2003/04
- İtaliya Superkubokunun qalibi: 2004
- Çempionlar Liqasının qalibi: 2003
- Şəxsi
- 1994 Danimarkada İlin Gənc Futbolçusu
- 2002 və 2004-cü illərdə Danimarkada ilin futbolçusu
- Hollandiyada 1996-cı ildə ilin kəşfi
- 2004-cü il Avropa çempionatının nəticələrinə görə simvolik komandaya daxil edilib (UEFA-nın məlumatına görə)
- Dünya Çempionatında qol sayına görə Danimarka millisinin rekordçusu: 5 qol
İstinadlar
- ↑ Jon Dahl Tomasson // (çd.). 2000.
- ↑ Jon Dahl Tomasson // (çd.).
- . 2013-12-27 tarixində . İstifadə tarixi: 2022-02-14.
- . 2015-06-19 tarixində . İstifadə tarixi: 2022-02-14.