Yeddiqardaş dağı - Xocavənd rayon mərkəzindən cənubda, Qarakollu kəndi yaxınlığında dağ.
| Yeddiqardaş dağı | |
|---|---|
| Yerləşməsi | |
| Ölkə | Azərbaycan |
| Rayon | |
Haqqında
Yeddiqardaş spesifik oronim say bildirən sözdən (yeddi) və oronimik termindən (qardaş) ibarətdir. Belə toponimlər başqa rayonlarda da var: Şamaxıda Yeddikümbəz dağı, Ağdamda Yeddixırman dağı, Siyəzəndə Beşbarmaq dağı və s.
Yeddiqardaş dağı ilə bağlı maraqlı bir rəvayət də vardır:
|
Bir el ağsaqqalının ərsəyə çatmamış yeddi oğlu vardı. Özü də qocalmışdı, əli qılınc tutmurdu. Yağılar fürsəti bada vermir, tez-tez basqın edib eli talayırmışlar. Günlərin bir günü yenə yağılar gəlir. Yeddi qardaş qoşun yığıb onların qabağına çıxır. Ancaq bunlar uşaq, yağılar neçə ilin qan tökənləri. Yeddi qardaşın qoşunu basılır. Qardaşlar görür ki, qoşun basıldı, yağılar yenə eli çapıb-talayacaqlar. Üzlərini göyə tutub Tanrıya yalvarırlar ki, ya Tanrı, bizi keçilməz dağa döndər, qabağı kəsək, yağılar elimizə soxulmasınlar. Tanrı eşidir onları, qardaşların yeddisi də dağa dönüb yan-yana düzülürlər. Yağılar keçməyə yol tapmır, qayıdıb biryolluq gedirlər. O gündən camaat o dağlara “Yeddi qardaş dağı” deməyə başlayır. Azərbaycanlılar dədə-babadan bu dağları ocaq sayırlar. |
|
Həmçinin bax
İstinadlar
- Xocavənd ensiklopediyası /N. Tapdıqoğlu. Bakı: Zərdabi LTD, 2009, s.448