Geiranger fiordu Norveçin Mere-oq-Romsdal qraflığına aiddir. Şəlalə yaxınlığında tarixi Knivsflå ferması yerləşir. Daha köhnə ferma olan Skageflå isə nisbətən uzaqda yerləşir. Yeddi bacı şəlaləsi Qeyranqer kəndindən 6,5 km qərbdə yerləşir. Coğrafi kordinatları 62.10864 və 7.092106 olan şəlalə dəniz səviyyəsindən 400-500 metr yüksəklikdə yerləşir. Knivsflåelvane çayı üzərində yerləşən bu şəlalənin dünya üzrə reytinq cədvəlində yeri 67-dir.

Yeddi gözəl şəlaləsi ilə üzbəüz, əks sahildə başqa bir «The Suitor» ( Friaren) — «Ər» şəlaləsi var. Bir az uzaqda isə növbəti kiçik bir şəlalə «Gəlin fatası» yerləşir.

Şəlalənin maksimal hündürlüyü 410 metrdir. Su damcısının maksimal sərbəst düşmə hündürlüyü 250 metrdir. Bol sulu zamanında eni 223 m olur. Horizontal səth üzrə eni 213 metrdir.

May-iyun aylarında şəlalə daha gözəl olur - qar əridikcə şəlalə bol sulu olur. Qış aylarında şəlalə donur və ərazi alpinistlərin sevimli məkanına çevrilir.

Əfsanəyə görə cəsur bir vikinq evlənmək üçün yeddi bacının yanına gəlir. Bacılar onu gəlinlik fatası üçün göndərirlər və deyirlər ki gələndə yeddi bacıdan biri ilə evlənər. Fatanı alıb gətirən vikinq son anda qərar verə bilmir. Bacıların hər biri çox gözəl olur. Sonda bacılar evlənməkdən vaz keçirlər. Oğlan nəticədə içki içməyə qurşanır və butulka formalı şəlaləyə çevrilir. Digər bir əfsanəyə görə yeddi bacı dağın zirvəsində rəqs edir. Qarşı tərəfdə isə gənc bir oğlan onlara baxararaq flirt etmişdir.

•  
•  
•  
  Butulkaya bənzər "Ər" şəlaləsi

1. . 2019-08-25 tarixində . İstifadə tarixi: 2019-12-12.
2. . 2022-09-22 tarixində . İstifadə tarixi: 2019-12-16.
3. . 2021-10-26 tarixində . İstifadə tarixi: 2019-12-14.
4. . 2019-12-14 tarixində arxivləşdirilib. İstifadə tarixi: 2019-12-14.