Kifayət qədər yekəpər olan Con Koffi iki balaca qızın öldürülməsində təqsirli bilinir. Vahiməli görüntüsünün əksinə olduqca incə və qarışıq iç dünyası olan Koffi bəzi fövqəlbəşər güclərə sahibdir. Təcridxananın edam otağı baş gözətçisi Paul Edgecombun ondan həqiqətən günahkar olub olmadığını soruşması ilə birlikdə aralarında bir dialoq başdıyır. Xəstə olan Paul Edgecomb Koffinin gücləri sayəsində sağalması ilə hadisələr inkişaf etməyə başlayır. Koffi fövqəlbəşər gücü sayəsində öz içinə çəkdiyi xəstəlikləri ağzından sərbəst buraxaraq həyatına davam edir. Edgecombun Koffi bu gücünün fərqinə varmasıyla ona olan münasibəti dəyişməyə başlayır. Koffi bu gücü sayəsində möcüzələr yaradır və Edgecomb bu möcüzə insanın həyatına davam etməsinin vacib olduğunu düşünür. İrəliləyən süjet xəttində hadisələr bu xətt üzrə inkişaf edir.

Çəkiliş məkanı kimi indi istifadəsiz qalan Tennessee Dövlət Cəzaçəkmə Müəssisəsi qərar verilmişdir. Edamların həyata keçirildiyi elektrik kreslonun dizaynı hazırlanarkən, Nyu-Yorkdakı Sing Sing həbsxanasının reallığından istifadə edilmişdir.

Film tənqidçilər tərəfindən Stephen Kingin romanının yaxşı bir uyğunlaşması kimi bəyənilmişdir. Romandan yalnız çox az bir hissə çıxarıldığı üçün üç saat davam edən bir film olmuşdur.

Film, IMDb (İnternet Film Məlumat bazası) siyahısında 2014-cü ilin Fevral ayı etibarilə təxminən 492,188 adamın səsi ilə 10 baldan orta hesabla 8,5 bal yığaraq ən yaxşı 250 film arasında 45-ci yeri əldə etmişdir.