Xose Luis Peres Kaminero — İspaniya futbolçusu, "Real Madrid" futbol məktəbinin yetirməsi.

Xose Luis Kaminero
Ümumi məlumatlar
Tam adı	Xose Luis Peres Kaminero
Doğum tarixi	8 noyabr 1967(56 yaş)
Doğum yeri	Madrid, İspaniya
Vətəndaşlığı	İspaniya
Boyu	187 sm
Çəkisi	86 kq
Mövqeyi	yarımmüdafiəçi
Klub haqqında məlumat
Klub	karyerasını bitirib
Karyerası
Gənclik karyerası Real Madrid Klub karyerası 1986—1989 39 (4) 1989—1993 134 (3) 1993—1998 Atletiko Madrid 149 (40) 1998—2004 155 (15) Milli yığma 1993—1996 İspaniya 21 (8)
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı. Rəsmi oyunlarda milli yığmanın heyətində keçirdiyi oyunların və vurduğu qolların sayı.

Kaminero "Real" futbol məktəbinin yetirməsi sayılır. 1986/1989-cu illərdə Madrid klubunun B komandasının formasını geyinən 1967-ci il təvəllüdlü futbolçu, "Kral Klubu"nu 1989-cu ildə "Vallyadolid"ə dəyişib. Bu komandanın heyətində 1993-cü ilə qədər 134 oyunda 3 qol vurub. Ardınca 5 mövsüm Madrid "Atletko"sunun formasını geyinib. Paytaxt klubunun heyətində 149 oyunda 40 qola imza atıb. 1998-ci ildə yenidən "Vallyadolid"ə qayıdıb və karyerasının sonuna – 2004-cü ilə qədər bu komandada çıxış edib. Bu müddətdə 155 oyun keçirib və 15 dəfə fərqlənib.

Kaminero ümumilikdə La Liqada 408 matçda forma geyinib və 57 dəfə rəqib qapıçıları məyus edib. O, 1996-cı ildə "Atletko"nun heyətində Kral Kubokunu qazanıb. 2008-ci ilə qədər "Vallyadolid"in idman direktoru vəzifəsində çalışıb. 21 dəfə İspaniya millisinə dəvət olunub və 8 qola imza atıb.

2009-cu ildə ispan polisi Kolumbiya və Meksikadan böyük miqdarda kokaini İspaniyaya daşıyan və narkotikdən gələn çirkli pulları "yumaq"la məşğul olan bandanın 31 üzvünü həbs edib.

Həbs olunanların arasında Kaminero da olub. Lakin məhkəmə onun zaminə buraxılmasına və azadlıqda qalmaq şərtilə istintaqa cəlb olunmasına qərar verib.