Xarıbülbül — 2022-ci ildə yaradılmış voleybol klubu. Yeni komandanın hədəfi Vətən Müharibəsinin simvoluna çevrilmiş xarı bülbülü beynəlxalq arenada tanıtmaq, Azərbaycanı layiqincə təmsil etmək, bu adın idman dünyasında mümkün qədər populyarlaşmasına töhfə verməkdir.

Xarıbülbül VK
Şəhər	Şuşa
Ləqəb(lər)	Sarı yaşıllar
Yaranma tarixi	2022
Prezidenti
Baş məşqçisi	Ziya Rəcəbov
Liqa	Voleybol üzrə Azərbaycan Superliqası
Ev Səfər

Komandanın emblemində Azərbaycan bayrağının rəngləri və xarı bülbüllə yanaşı, ikinci Qarabağ Müharibəsi şəhidlərinin sayı qeyd edilib. "Xarı bülbül"ün prezidenti Fatimə Hacıyevadır. Tibb üzrə fəlsəfə doktoru, dosent Azərbaycan voleybol tarixinə ilk qadın rəhbər kimi düşüb. Komandanın təsisçisi isə beynəlxalq idman agenti, eyni zamanda klubda oyunçusu İlqar İmamquliyevdir.

Klubun ağ rəngli formalarında Vətən müharibəsində vəfat edən azərbaycanlı hərbiçilərin adları, həmçinin Azərbaycanın məşhur xalçaçısı, xalq rəssamı Lətif Kərimovun əsərlərindən milli naxışlar əks olunub. Köynəyin üzərində klubun və istehsalçı şirkətin loqosu da yer alıb. Milli ornamentlərlə bəzədilən formanda "Xarı bülbül Şuşa" sözlərinin yazılması klubun Şuşanı təmsil etdiyinin göstəricisidir.