Şeyx Xalid Birləşmiş Ərəb Əmirliklərinin prezidenti Şeyx Məhəmməd ibn Zeyd Əl-Nəhayanın böyük oğlu və Əbu-Dabi əmirliyinin hakim sülaləsi Əl Nəhayan ailəsinin üzvüdür. Anası Şeyxə Sələmə ibn Həmdan Əl Nəhayandır.

Atası Birləşmiş Ərəb Əmirliklərinin prezidenti Şeyx Məhəmməd ibn Zeyd Əl-Nəhayan rəsmən varisinin adını çəkməyib. Lakin o, əmiləri Şeyx Mənsur ibn Zeyd və Şeyx Təhnun ibn Zeydlə birlikdə taxt-taca iddialılardan biridir.

Şeyx Xalidin Şarja Amerika Universitetində beynəlxalq münasibətlər üzrə bakalavr dərəcəsi və London Kral Kollecində müharibə elmləri üzrə fəlsəfə doktoru dərəcəsi alıb. Bundan əlavə, Şeyx Xalid Sandherst Kral Hərbi Akademiyasında bir illik zabit hazırlığı kursunu bitirib.

15 fevral 2016-cı ildə Xalid Milli Təhlükəsizlik İdarəsinin rəhbəri təyin edilib. 16 yanvar 2017-ci ildə Milli Təhlükəsizlik Müşavirinin müavini təyin olunub.

29 mart 2023-cü ildə o, Əbu-Dabinin Vəliəhd Şahzadəsi və həmçinin Əbu-Dabi İcraiyyə Şurasının sədri təyin edilib. Əvvəllər Xalid Əbu-Dabi İcraiyyə Şurasının üzvü və Əbu-Dabi İcra Aparatınını başçısı olub.

Şeyx Xalid Əbu-Dabi Maliyyə və İqtisadi Məsələlər üzrə Ali Şurasının üzvüdür. O, həmçinin Əbu-Dabi Milli Neft Şirkətinin (ADNOC) direktorlar şurasının üzvü və Əbu-Dabi İnvestisiya Təşkilatının (ADIA) direktorlar şurasının üzvüdür.

O, həmçinin BƏƏ Genomik Şurası, Əbu-Dabi Milli Neft Şirkətinin (ADNOC) direktorlar şurasının icraiyyə komitəsi və Qabaqcıl Texnologiya Araşdırmaları da daxil olmaqla bir neçə şuranın (ATRC) sədridir.

Şeyx Xalid insanlar, biznes və innovasiyalar vasitəsilə iqtisadi artımı sürətləndirmək üçün 2019-cu ildə 50 milyard BƏƏ dirhəmi dəyərində üç illik plan olan "Ghadan 21" - Sürətli İnkişaf Proqramının həyata keçirilməsinə rəhbərlik etmişdir.

2022-ci ilin iyununda Şeyx Xalid Əmirliyin sənaye sektorunu 172 milyard BƏƏ dirhəminə qədər genişləndirmək, 13,600 iş yeri yaratmaq və 2031-ci ilə qədər Əbu-Dabinin qeyri-neft ixracını 143% artırmaq planlarını özündə əks etdirən Əbu-Dabi Sənaye Strategiyasını işə salıb.

Əbu-Dabi Maliyyə Həftəsi konfransı onun himayəsi altında keçirilir. Şeyx Xalid ibn Məhəmməd Əl Nəhayan bu vəzifəni 2022-ci ilin oktyabrında üzərinə götürüb.

2019-cu ilin mart ayında Xalid bu günə qədər 200-dən çox startapı dəstəkləyən, 4,5 milyard BƏƏ dirhəmi maliyyə toplayan və 900-dən çox iş yeri yaradan Hub71 texnoloji ekosistemini işə salıb.

Şeyx Xalid "Emirates Genetika" Şurasının sədridir. 2023-cü ilin martında o, fərdiləşdirilmiş profilaktik səhiyyənin inkişafına kömək etmək üçün Əmirliyin genetik quruluşunu öyrənəcək ümummilli genetik tədqiqat proqramı olan Milli Genom Strategiyasını işə salıb.

İctimai fəaliyyəti

2021-ci ilin oktyabrında Xalid "42 Əbu-Dabi Proqramlaşdırma" Məktəbini açdı ki, bu da Fars körfəzi ölkələrində proqramlaşdırma məktəblərinin beynəlxalq "42 Şəbəkəsi"ndən birincisidir. 2022-ci ilin avqustunda o, Əbu-Dabi məktəblərində tələbələrə sahibkarlıq, rəqəmsal və maliyyə savadlılığı da daxil olmaqla müxtəlif peşə bacarıqlarını öyrədən yeni təhsil yanaşması olan Məzun Yetkinlik Çərçivəsi proqramının (Graduate Competency Framework) tətbiqini tapşırıb.

2022-ci ilin sentyabrında Şeyx Xalid 6,000 Əmirlik tələbəsinə 2028-ci ilə qədər ABŞ və Kanadada təhsil almaq imkanı verəcək 1,9 milyard BƏƏ dirhəmi dəyərində RizeUp təqaüd proqramını işə saldı.

Təhlil və strateji planlaşdırmada gənclərə dəstək olmaq üçün Şeyx Xalid 8 iyun 2023-cü ildə Əbu-Dabidəki Qəsr Əl-Vətən sarayında baş tutan Milli Müdafiə Kursunun 10-cu buraxılış mərasimində iştirak etdi.

Xalid gənclərə yaşıl iqtisadiyyatda işləmək üçün lazım olan bacarıqları təmin edən "Masdar Youth 4 Sustainability" təşəbbüsünü dəstəkləyir.

2021-ci ilin oktyabrında Xalid ADNOC ilə ADNOC-un 2022-ci ilin yanvar ayından nüvə və günəş enerjisindən elektrik enerjisinin bir hissəsini təmin edən "Emirates Su və Elektrik Şirkəti" (EWEC) arasında təmiz enerji tərəfdaşlığına başladı.

2022-ci ilin fevralında Əbu-Dabidəki "Jubail Mangrove" Parkında Britaniya Şahzadəsi Uilyam ilə görüşdən sonra Şeyx Xalid Əbu-Dabini manqrovların mühafizəsi və davamlılığı sahəsində tədqiqat və innovasiyalar üçün qlobal mərkəz kimi qurmaq üçün "Abu Dabi Mangrove" Layihəsini başlatdı.

2021-ci ilin sentyabrında Xalid ibn Məhəmməd Əl Nəhayan memar Frank Gehri ilə görüşdü və müasir incəsənət muzeyinin yaradılması üzrə irəliləyişi müzakirə etmək üçün Saadiyat adasındakı Əbu-Dabi Solomon Quqqenhaym muzeyinə baş çəkdi.

2022-ci ilin mart ayında Şeyx Xalid regionda ən böyüyü olacaq yeni muzey və tədqiqat mərkəzi olan Əbu-Dabi Təbiət Tarixi Muzeyini işə saldı.

Şeyx Xalid hər il "Manarat Al Saadiyat"da keçirilən və dünyanın hər yerindən rəssamları bir araya gətirən Əbu-Dabi İncəsənət sərgisinin himayədarıdır.

O, həmçinin ərəb dili, mədəniyyəti və kimliyini müzakirə etmək üçün hər il alimləri, yazıçıları və ekspertləri Əbu-Dabidə bir araya gətirən Ərəb Dili Sammitinin himayədarıdır.

Digər sahələr

2022-ci ilin sentyabrında Şeyx Xalid Yaponiyanın keçmiş baş naziri Şinzo Abenin Tokioda keçirilən dövlət dəfn mərasimində iştirak etmək üçün gedən BƏƏ nümayəndə heyətinə rəhbərlik edib.

Şeyx Xalid 2022-ci ilin dekabrında İndoneziya prezidenti Coko Vidodonun oğlu Kaesanq Panqarepin toyunda iştirak edib.

BƏƏ prezidenti atası adından Şeyx Xalid 1 iyun 2023-cü ildə Ammanda İordaniya vəliəhdi II Əl Hüseyn ibn Abdulla və Səudiyyə Ərəbistanı vətəndaşı Rəcva Xalid Əl Saifin toyunda iştirak edib.

Şeyx Xalid 2023-cü ilin may ayında ikitərəfli münasibətləri yaxşılaşdırmaq və iki ölkə arasında əməkdaşlıq imkanlarını müzakirə etmək üçün Malayziyaya rəsmi səfərə gedib.

Səfər zamanı o, Baş nazir Ənvər İbrahim və Kral Sultan Abdulla ilə görüşüb və BƏƏ ilə Malayziya arasında əlaqələrin möhkəmləndirilməsində gördüyü işlərə görə təntənəli medallarla təltif edilib.

Şeyx Xalid 20 may 2023-cü ildə, mayın 22-də rəsmi olaraq ziyarətçilərin üzünə açılan SeaWorld Yas adasının açılışını edib.

2023-cü ilin fevralında Xalid ibn Məhəmməd Əl Nəhayan açılan 11 kilometrlik "Umm Yifeenah körpüsü" də daxil olmaqla bir neçə irimiqyaslı infrastruktur layihəsinə start verib. Bu layihə şəhərin əsas ərazilərini birləşdirir, nəqliyyat axınını azaldır və biznes obyektlərinə çıxışı yaxşılaşdırır.

Şeyx Xalid Birləşmiş Ərəb Əmirliklərinin prezidenti Şeyx Məhəmməd ibn Zeyd Əl-Nəhayanın böyük oğlu və Əbu-Dabinin hakim Əl Nəhayan ailəsinin üzvüdür. Anası Şeyxə Sələmə ibn Həmdan Əl Nəhayandır. Xalid Əbu-Dabi Vəliəhdi Məhkəməsinin sədri və "Etihad Rail"in sədri Təyab ibn Məhəmməd ibn Zeyd Əl-Nəhayanın böyük qardaşıdır.

Şeyx Xalid Şarja Amerika Universitetində Beynəlxalq Tədqiqatlar üzrə İncəsənət Bakalavr dərəcəsinə və London Kral Kollecində Hərbi Elmlər üzrə Doktorluq dərəcəsinə malikdir. O, həmçinin Sandhurst Kral Hərbi Akademiyasında bir illik zabit hazırlığı kursunu da bitirib.

Şeyx Xalid ofşor investisiya şirkəti ilə ortaqlığı ilə əlaqədar "Pandora sənədləri"ndə (Pandora papers) adı çəkilən Əmirlik simalarından biridir. O, bu fəaliyyətlərdə Xalidin yeganə səhmdarı olduğu "Desroches Island Limited" adlı şirkət vasitəsilə məşğul olur. Sənədlərdə adı keçən biznes tərəfdaşları arasında sinqapurlu iş adamı Ong Beng Seng və əmirlik iş adamı Əli Səid Cuma Albvardi də var.

Şeyx Xalidin anası — Şeyxə Sələmə ibn Həmdan Əl Nəhayandır.

Həyat yoldaşı — Şeyxə Fatimə ibn Suroor Nəhayandır. Onun iki qızı və bir oğlu var:

• Şəmma ibn Xalid Əl Nəhayan (10 oktyabr 2011-ci il təvəllüdlü);
• Məhəmməd ibn Xalid Əl Nahayan (20 dekabr 2013-cü ildə anadan olub);
• Sələmə ibn Xalid Əl Nahayan (20 dekabr 2013-cü il təvəllüdlü).

Onun qardaşı Ziyab ibn Məhəmməd ibn Zeyd Əl Nəhayan, Əbu-Dabi İcra Şurasının üzvü və Vəliəhd Şahzadə Məhkəməsinin, Aşağı yaşlı uşaqlar üzrə dövlət təşkilatının sədri, Əbu Dabi Nəqliyyat Şirkəti və "Etihad Rail"in prezidentidir.

•   Malayziya: Krallığın Müdafiəçisi Ordeninin Fəxri Cəngavəri (23 May 2023);
  •   Pahanq: İndra Pahanq Taxt-tacının Ailə Ordeninin 2-ci dərəcəli üzvü (23 May 2023).