Xətti funksiya - Haqqinda Melumat

Xətti funksiya — $y=kx+b.$ şəklində funksiya.

Təyin oblastı: D(y)=R; Bunun təyin oblastıdır.

Qiymətlər çoxluğu: E(y)=R

Artımı arqumentin artımı ilə mütənasibdir, qrafiki isə düz xətdir. Koordinat oxları üzərində miqyas eynidirsə, k bucaq əmsalı xətti funksiya qrafiki ilə Absis (Ox) oxu arasındakı $\phi$ bucağın tangensinə bərabərdir (k=tg $\phi$ ). b=0 olarsa, Xətti funksiya bircinsdir, qrafiki isə y=kx mütənasibliyini təsvir edir. Fizika və texnikada müxtəlif kəmiyyətlər arasındakı asılılığın təsviri üçün tətbiq edilir. Çoxdəyişənli xətti funksiya xətti forma adlanır. Arqument və funksiya vektorlardırsa, bircins xətti funksiya xətti çevirmədir.

Xassələri

$k$ əmsalı funksiya qrafikinin absis oxu ilə əmələ gətirdiyi bucağın tangensinə bərabərdir, qeyd: buradakı bucaq funksiyanın absis oxu ilə kəsişdiyi nöqtənin sağında yerləşir;
$k>0$ olduqda, düz xətt absis oxu ilə iti bucaq əmələ gətirir və artan funksiyadır;
$k<0$ olduqda, düz xətt absis oxu ilə kor bucaq əmələ gətirir və azalan funksiyadır;
$k=0$ olduqda, düz xətt absis oxuna paraleldir ( $y=b$ );
$b$ düz xəttin ordinat oxu ilə kəsişmə nöqtəsinin kordinatını göstərir;
$b>0$ olduqda düz xətt OY oxunu müsbət hissədə, $b<0$ olduqda mənfi hissədə kəsir;
$b=0$ olduqda, düz xətt koordinat başlanğıcından keçir;
$y=k_{1}x+b_{1}$ və $y=k_{2}x+b_{2}$ xətti funksiyalarının qarşılıqlı vəziyyəti:
- Əgər $k_{1}\neq k_{2}$ olarsa, qrafiklər bir nöqtədə kəsişir;
- Əgər $k_{1}=k_{2},b_{1}\neq b_{2}$ olarsa, qrafiklər bir-birinə paraleldir;
- Əgər $k_{1}=k_{2},b_{1}=b_{2}$ olarsa, qrafiklər üst-üstə düşür;
- Əgər $k_{1}\times k_{2}=-1$ olarsa, qrafiklər bir-birinə perpendikulyardır.