'''Cərəyan''' [[Dünya okeanı]]nda daimi və dövri su axını. Okean cərəyanları suyun üfüqi istiqamətdə böyük məsafələrə yerdəyişməsidir. Cərəyanlar temperaturuna görə isti və soyuq olur. Cərəyanın gətirdiyi suyun temperaturu ətrafda suyun temperaturundan çox olarsa, belə okean cərəyanına isti cərəyan, əksinə, az olarsa soyuq cərəyan deyilir. Okean cərəyanlarınə yaradan əsas səbəb daimi küləklərdir.
== Ümumi məlumat ==
Böyük su kütlələri müəyyən istiqamətdə hərəkətə gəlir və Cərəyan yaradır. Dünya okeanında suyun hərəkətə gəlmə səbəblərinə daimi küləklərin [[okean]] və [[dəniz]] səthinə təsiri, güclü yağıntı və [[buxarlanma]] nəticəsində səthin relyefinin dəyişməsi, qabarma və çəkilmə yaradan qüvvələr, [[atmosfer]] təzyiqinin dəyişməsi və s. aiddir. Ətraf sahələrdə suların [[temperatur]]u ilə müqayisədə isti və soyuq cərəyanlar fərqləndirilir. İsti cərəyanlar [[ekvator]]dan qütblərə doğru (məsələn, Qolfstrim), soyuq cərəyanlar qütblərdən ekvatora doğru (məsələn, Labrador) hərəkət edir.<ref>https://www.azleks.az/online-dictionary/?s=7&page=21</ref>