Sovet hakimiyyəti qurulduqdan sonra Mehmandarov vəzifəsindən istefa verdi. Azərbaycanın müstəqilliyinə qənim kəsilmiş qüvvələr onu [[Gəncə üsyanı (1920)|Gəncə üsyanı]]<nowiki/>nın təşkilində günahkar bilərək, [[1920]]-ci il iyunun 4-də [[Əliağa Şıxlinski|Ə.Şıxlinski]] ilə birlikdə həbs etdilər. Yalnız [[Nəriman Nərimanov]]<nowiki/>un işə qarışmasından sonra Mehmandarov [[Bolşevizm|bolşevik]] terrorundan xilas oldu və Ə.Şıxlinski ilə bərabər bir il [[Moskva]]<nowiki/>da yaşamaq məcburiyyətində qaldı. Mehmandarov [[1921]]-ci ilin yayında Bakıya qayıdaraq, Xalq Hərbiyyə və Bəhriyyə Komissarlığında işə düzəlmiş, [[1924]]-[[1928]] illərdə Birləşmiş Komandirlər məktəbində müəllim işləmişdir. S.Mehmandarov [[1924]]-[[1927]]-ci illərdə [[Azərbaycan]]da hərbi sahədə aparılan geniş islahatlarda və tədbirlərdə fəal iştirak etmişdir. [[1928]]-ci ildə S.Mehmandarov səhhətinə görə orduda xidmətdən təxris olunmuş və ona fərdi dövlət təqaüdü verilməsi müəyyən edilmişdi. Mehmandarov [[rus dili|rus]], [[türk dili|türk]] və [[fars dili|fars]] dillərini yüksək səviyyədə bilirdi. Ömrünün son üç ilində islam tarixi və fəlsəfəsi ilə məşğul olmuşdur. [[12 fevral]] [[1931]]-ci ildə [[Bakı]]da vəfat edib [[Çəmbərəkənd qəbiristanlığı]]<nowiki/>nda dəfn edilmişdir<ref>[[Azərbaycan Xalq Cümhuriyyəti Ensiklopediyası]]. II cild. Bakı 2005. s. 180-181</ref>.

 

== Filmoqrafiya ==