Mustafayeva Alidə Fərhad qızı 30 avqust 1987-ci ildə Bakıda ziyalı ailəsində doğulub. Atası elmlər namizədi, dosent Mustafayev Fərhad Məhəmməd oğlu Qazaxın Aşağı Salahlı kəndində tanınmış Səməd Ağa Mustafayevin nəvəsidir. Anası Kəsəmənli İradə Baba qızı Ağstafanın Qıraq Kəsəmən kəndində tanınmış Səlim bəyin nəvəsidir. 2004-cü ildə Nəsimi rayonu Samir Hacıyev adına 5 saylı orta məktəbi bitirib. 2008-ci ildə [[Azərbaycan Universiteti]]nin Avropaşünaslıq və Beynəlxalq Münasibətlər fakültəsinin amerikaşünaslıq ixtisasını fərqlənmə diplomu ilə bitirib. 2007-ci il sentyabr ayının 27-dən oktyabr ayının 27-dək Azərbaycan Respublikası Milli Məclis Aparatının Beynəlxalq münasibətlər şöbəsində istehsalat təcrübəsi keçib. 7 dekabr 2009-cu il tarixində ATV-də seçimlərdən keçərək, işə götürülüb. İlk olaraq Səhər Proqramı çərçivəsində “Binaların tarixi” və “Yazarlar” rubrikalarını hazırlayıb və aparıb. 2010-cu ilin sentyabr ayının 17-də [[106 FM|"106"]] və "[[106.3 FM]]" dalğalarında “Son xəbər”i təqdim edib. 2011-ci il 20 iyun tarixindən [[ATV]]-də “Son Xəbər”in aparıcısı olub. Müxtəlif vaxtlarda xəbərlərlə yanaşı, “ATV İqtisadiyyat”, “ATV Dünya” proqramlarının aparıcısı olub. 2016-cı il 8 aprel tarixində ATV-dən ayrılıb. 2016-cı il 4 iyul tarixindən [[ANS]]-də “Salam, Azərbaycan” və “Xəbərçi” proqramlarını aparıb. 2016-cı il 18 iyul tarixdən fəaliyyətini dayandıran kanalla yolları ayrılıb. 2017-ci il 5 yanvar tarixdən Azərbaycan Televiziyasında işə qəbul edilib.<ref name="">{{cite web |url=https://news.day.az/azerinews/858989.html |title=Alidə Mustafayeva AZTV-də - FOTO |author= |date= |work= |publisher= news.day.az |accessdate=2020-06-17 |language=az }}</ref> Həmin il 14 yanvar tarixdən “Xəbərlər” informasiya proqramında aparıcı olaraq fəaliyyətə başlayıb. 2017-ci il sentyabrın 8-də AzTV-dən ayrılıb. 11 sentyabr 2017-ci il tarixdə İctimai Televiziya və Radio Yayımları Şirkətində “Carçı” İnformasiya Proqramının və "90 FM"-də “Xəbər vaxtı” proqramının aparıcısı kimi fəaliyyətə başlayıb. 2019-cu ildə “Diqqət Mərkəzi”, “Diqqət Mərkəzi Yekun” proqramlarının aparıcısı olub.<ref name="">{{cite web |url=https://azvision.az/news/179718/itv-de-yeni-verilis--diqqet-merkezi-yekun-.html |title=İTV-də yeni veriliş: “Diqqət Mərkəzi - Yekun” |author= |date= |work= |publisher= azvision.az |accessdate=2020-06-17 |language=az }}</ref> Bu günədək İTV-də “İTV Xəbər” və [[İctimai Radio]]da xəbərlər buraxılışını təqdim edir. 2019-cu ildə İctimai Televiziya və Radio Yayımları Şirkəti tərəfindən müxbir kimi [[Azərbaycan Respublikası Prezidentinin Administrasiyası|Prezident Administrasiyası]]na akreditə olub.