1935-ci ildə yeni film studiyası olan ''Photo Chemical Laboratories'' (daha sonra əsas kinostudiyalardan olan [[Toho]]) [[köməkçi rejissor]]lar axtarırdı. Film istehsalına peşə kimi maraq göstərməməsinə baxmayaq Kurosava müraciət üçün tələb olunan esseni göndərmişdir. Essedə müraciət edən şəxslərdən Yaponiya filmlərində olan köklü çatışmamazlıqları müzakirə etmək və onların öhdəsindən gəlməyin yollarını göstərmək tələb olunurdu. Onun rişxəndli baxışına görə əgər çatışmamazlıqlar köklüdürsə onları düzəltmək mümkün deyil. Kurosavanın essesi onun imtahanlara dəvət edilməsinə səbəb olmuşdur. İmtahanı götürənlərdən biri olan rejissor [[Kaciro Yamamoto]] Kurosavanı bəyənmiş və studiyadan onu işə götürmələrini xahiş etmişdir. 25 yaşlı Kurosava 1936-cı ilin fevralında studiyada işləməyə başlamışdır.<ref>{{Harvnb|Kurosawa|1983|pp=89–93}}</ref><ref>{{Harvnb|Galbraith|p=25}}</ref>

Beş illik köməkçi rejissorluq fəaliyyəti zamanı Kurosava bir çox rejissorla birlikdə işləmişdir, lakin onun inkişafında vacib rol oynayan rejissor Yamamoto olmuşdur. Köməkçi rejissor kimi işlədiyi 24 filmin 17-si Yamamotonun filmi idi və onların çoxu "Enoken" ləqəbli populyar aktyor [[Keniçi Enomoto]]nun oynadığı komediyalar idi.<ref>{{Harvnb|Galbraith|pp=652–658 }}</ref> Yamamoto Kurosavanın bacarıqları artırmış, cəmi bir ilə onu üçüncü köməkçi rejissorluqdan baş köməkçi rejissorluğa gətirmişdir.<ref>{{Harvnb|Galbraith|pp=29–30}}</ref> Kurosavanın öhdəlikləri artmış, səhnə konstruksiyası və film istehsalından tutmuş məkan tapmaq, ssenariyə düzəliş etmək, məşqlər, işıqlandırma, səsləndirmə, montaja kimi müxtəlif tapşırıqları yerinə yetirirdi.<ref>{{Harvnb|Goodwin|1994|p=40}}</ref> Kurosavanın köməkçi rejissor kimi işlədiyi sonunda Yamamoto filmi 1941-ci il istehsalı "[[At (film, 1941)|At]]" filmi olmuşdur. Həmin filmin istehsalının böyük hissəsi ilə Kurosava məşğul olmuşdur, çünki Yamamoto başqa filmin çəkilişləri ilə məşğul idi.<ref>{{Harvnb|Galbraith|p=35}}</ref>

Yamamoto Kurosavaya məsləhət bilmişdi ki, yaxşı rejissor olmaq istəyirsənsə, ssenari yazmaq bacarığını inkişaf etdirməlisən.<ref>{{Harvnb|Kurosawa|1983|p=103}}</ref> Tezliklə Kurosava başa düşmüşdür ki, ssenarilərdən qazandığı pul köməkçi rejissor kimi aldığı məbləğdən daha yüksəkdir.<ref>{{Harvnb|Goodwin|1994|p=42}}</ref> Bundan sonra bütün filmlərinin ssenarilərini, hətta bəzən başqa rejissorların (məsələn, [[Satsuo Yamamoto]]nun "[[Qanadların tiumfu (film, 1942)|Qanadların tiumfu]]" filmi, 1942) filmlərinin ssenariləri özü yazmışdır.<ref name="Akira Kurosawa" /><ref>{{Harvnb|Galbraith|pp=658–707}}</ref>