|
Heç kim inanmır ki, onlar cəmisi 10 günə hazırlaşıblar. Müsabiqədən sonra [[Moskva]] onları buraxmaq istəmir. Saysız-hesabsız qastrol səfərlərinin siyahısı tutulur.
== Qrupun adı ==
1967-ci ildə oğlanlar filarmoniyanın nəzdində öz ansambllarını yaradırlar. Ansambla ad qoymaq məqamı gələndə – kimin təklif etdiyi yadlarında deyil – "Qaya" üzərində dayanırlar. Niyə məhz "Qaya"? [[Külək]] [[dəniz]] sahilindəki qayalara çırpılanda əks-səda verir. Elə bir əks-səda ki, onun cazibəsindən çıxmaq çox çətin olur.
Bu ad tezliklə bütün SSRİ-də məşhurlaşır.
1972-ci ildə "Qaya" öz şou-proqramını hazırlamaq qərarına gəlir. Proqramın ssenarisini yazmaq üçün Moskvanın məşhur teatr rejissoru Mark Razovski və Yuli Qusman Bakıya dəvət edilir. Kostyumlar məşhur modelyer Vyaçeslav Zaysevə həvalə edilir. Səhnə tərtibatına isə söz ola bilməzdi. "Qaya" öz tərkibinə iki qadın – Qala Barinova ilə Tamilla Ağəliyevanı da daxil edir.
== "Oqni bolşoqo qoroda" şou ==
"[[Oqni bolşoqo qoroda]]" adlanan şou-proqramın premyerası indiki "Respublika" sarayında olur. İki saata qədər davam edən konsert dünyada məşhur olan ilk rok-opera – "İssus super sta" ilə yekunlaşırdı.
Bu proqramla Rusiyanın Kremllə üzüzə konsert zalında 7 gün konsert verdilər. Şou-proqramda konferansye yox idi. Proqramın aparıcıları da özləri idi. Rumıniyada rumın dilində, [[Almaniya]]da alman, [[Macarıstan]]da macar, [[Çexoslovakiya]]da isə çex dilində danışırdılar.
Tam sərbəst şəkildə, solo konsertlərə isə 72-ci ildən sonra getməyə başladılar. Onlara orijinal janrlar – fokusçular, janqlyorlar, [[rəqqas]]lar da qoşulurdu.
== Amerikaya səfərləri ==
Bu illər ərzində 40 ölkəni gəzirlər. [[Afrika]]nın, demək olar ki, bütün ölkələrində çıxış edirlər. Rauf Babayev deyir ki, indiki CAR-da SSRİ-dən ilk dəfə olaraq, onlar çıxış etmişdilər. Maraqlı səfərlərindən biri [[Amerika Birləşmiş Ştatları|ABŞ]]a olub. Xyustondakı caz kollecində konsert verməli idilər. Çıxışa repertuarda olan mahnılardan başladılar. Salonun reaksiyasını heç cür başa düşə bilmirdilər. Onlara çox sakit və təmkinlə qulaq asırdılar. Belə şəraitdə oxumaq da çətin idi. Bir neçə mahnıdan sonra caza keçdilər. Mahnının ortasında tamaşaçılar ayağa durmağa başladılar. Oğlanlar ümidsizcəsinə bir-birilərinə baxırlar. Fikirləşirlər ki, tamaşaçılar onları bəyənməyib, çıxıb gedirlər. Amma birdən gurultulu alqışlar onları diksindirir. Tamaşaçılar onları alqışlayır və səhnəni tərk etməyə hazırlaşan oğlanları geri çağırırlar. Onlar sonuncu mahnını bir neçə dəfə oxumalı olurlar. Oxşar hal Macarıstanda da olmuşdu. Bütün ölkələrdə çıxış etmək onlara zövq verirdi. Xüsusən də, Kubada. Kubalılar kimi oynaq xalq, bəlkə də bütün dünyada yoxdur. Zal ağzınacan dolu olardı. Konsert zamanı bütün zal rəqs edirdi. Hətta pərdə arxasında xadimə qadın da işi rəqs edə-edə görürdü.
== Qaya qrupu işinin sonu ==
80-ci illərdə "Qaya"nın tərkibi tez-tez dəyişir. 1985-ci ildə isə "Qaya"nın nəzdində [[Caz]] və kamera orkestri yaradılır və "Qaya" estrada simfonik dövlət ansamblı adlanır. Çox keçmir, ansamblın nəzdində "[[Talisman]]" adlı rok-qrup da formalaşır. Ansamblda müxtəlif vaxtlarda [[Abbas Əhməd]], [[Eldar Rzaquluzadə]], [[Rüfət Babayev]], [[Əzizə Mustafazadə]],
[[Fuad Biqbayev]], [[Aygün Kazımova]] və başqaları fəaliyyət göstərirlər.
[[Tofiq Quliyev]], [[Fikrət Əmirov]], [[Rauf Hacıyev]], [[Vasif Adıgözəlov]], [[Oqtay Zülfüqarov]], [[Fərəc Qarayev]], [[Əziz Əzizov]], [[Tofiq Babayev]] kimi [[bəstəkar]]larla çalışan "Qaya" fəaliyyətinə 88-ci ildə nöqtə qoyur.
Əfsanəvi "Qaya" minləri, [[milyon]]ları öz əks-sədasının [[cazibə]]sinə saldı.
== Filmoqrafiya ==
# [[Abşeron ritmləri (film, 1970)]](tammetrajlı musiqili-bədii televiziya filmi)-filmdə iştirak
# [[Azərbaycan incəsənəti (film, 1970)]]
# [[Toyda görüş (film, 1970)]]
# [[Mahnı qanadlarında (film, 1973)]]
# [["Qaya" vokal-instrumental ansamblı (film, 1977)]]
# [[Yarımçıq qalmış mahnı (film, 1979)]]
# [[Nəğməkar torpaq (film, 1981)]]
# [[Qaya (film, 2001)]]
# [[Əlvida, cənub şəhəri (film, 2006)]]
== Xarici keçidlər ==
===Videolar===
[https://www.youtube.com/watch?v=oVScSndl6kk Qaya vokal kvarteti]
===Digərləri===
*[http://www.azerijazz.com/az/history/index.html/ Azərbaycan caz tarixi]
*[http://www.mct.gov.az/ Azərbaycan res.mədəniyyət və turizm nazirliyi]
*[http://xalqqazeti.com/az/news/culture/28992 İllərin arxasından boylanan “Qaya”]
[[Kateqoriya:1961-ci ildə yaranan musiqi qrupları]]
[[Kateqoriya:Xalq musiqi qrupları]]
[[Kateqoriya:Azərbaycan pop musiqi qrupları]]
|