Orta əsrlərdə bu məhəllədə bəzzaz dükanları var idi.<ref name="twin"/> İndiki A.Zeynallı küçəsi XX əsrin əvvəllərinə kimi Minarəli (Minaretskaya) küçəsi adlanırdı. Bu küçə karvan ticarət yolu üzərində olduğu üçün [[İçərişəhər]]in əsas memarlıq abidələri — məscidlər, karvansaraylar, hamamlar, aşağı və yuxarı bazar meydanları, həmçinin onlarla abidə məhz bu ərazidə yerləşirdi. Qız qalası yaxınlığında fəaliyyət göstərən iki meydan məscidinin biri də Varfolomey kilsəsinin qalıqlarının yerində olmuşdur. [[Engelbert Kempfer]] yol qeydlərində bu məscidlər haqqında məlumat verir. Müasirlərinin açıqlamalarına görə, [[1960-cı illər]]də bu məscidin mehrabını görənlər olub.{{Mənbəsiz}} Məscidin varlığına dair B.Dorn və [[Sara Aşurbəyli]]nin əsərlərində də məlumat var. B.Dorn yazır ki, məscidin giriş qapısının üzərindəki epiqrafik yazı oxunmurdu.{{Mənbəsiz}}

Abidənin vaxtilə məscid kimi inşa edilməsini, onun çöl tərəfdən tinlərində memarlıq bəzəyi sayılan stalaktitsiz açılmış kəsikləri də sübut edir.{{Mənbəsiz}} Abidə [[1971]], [[1992]] — [[1996]]-cı illərdə qəza vəziyyətində olduğu üçün və tarixi şəraitdən asılı olaraq qismən sökülmüş, sadəcə, abidənin və zəng qülləsinin aşağı hissələri qalmışdır. Məscidin aşağı hissəsi hazırda torpaq altındadır. Məscid ilə zəng qülləsi arasında inşaat texnikası cəhətdən fərq vardır. Zəng qülləsi yonularaq cilalanmış daşlardan tikilmiş, məscid isə yonulmamış daşlardan inşa olunmuşdür.