"Ədalət" özünü "[[İctimaiyyun-Amiyyun (təşkilat)|İctimaiyyun-Amiyyun]]"un varisi hesab edir, [[Cənubi Azərbaycan]]da müntəzəm surətdə fəal inqilabi iş aparırdı. Təşkilatın Rusiya Sosial-Demokrat Fəhlə Partiyası Bakı Komitəsində və "Hümmət"də daimi nümayəndələri var idi.<ref>{{kitab3|müəllif=[[Tadeuş Svitoxovski]], Brian C. Collins|başlıq=Historical dictionary of Azerbaijan|link=http://books.google.com/books?id=yjIZ6ymyNO8C|yer=USA|nəşriyyat=Scarecrow Press|il=1999|страницы=11|isbn=0810835509|тираж=}}</ref>

 

 

1917-1918-ci illərdə təşkilat xeyli möhkəmləndi və Cənubi Azərbaycan fəhlələri içərisindən silahlı dəstə təşkil etdi. Bu dəstə [[Mart soyqırımı|1918-ci ilin mart soyqırımı]] zamanı mədən-zavod rayonlarında asayişə nəzarət edir, burada qırğın düşməsinin qarşısını alırdı. [[1919-cu il]]in əvvəlində Əsədulla Qafarzadə başda olmaqla, partiyanın Mərkəzi Komitəsinin yeni tərkibi seçildi. Mərkəzi Komitəyə [[Bəhram Ağayev]], Seid Cəfər Cavadzadə ([[Seyid Cəfər Pişəvəri|Pişəvəri]]), R.Kərimov və başqaları daxil oldular. "Ədalətin" Bakıdan əlavə, Gəncədə, Lənkəranda, Astarada və Tiflisdə də komitələri var idı. "Ədalət" 1919-cu ildən Rusiya Kommunist (bolşeviklər) Partiyası (RK(b)P) Bakı Komitəsi və "Hümmətlə" daha sıx əməkdaşlığa başladı. Həmin ilin iyunundan RK(b)P Qafqaz Ölkə Komitəsinin maliyyə yardımı ilə partiyanın qeyri-leqal "Hürriyyət" qəzeti nəşrə başladı. Azərbaycan kommunist təşkilatlarının [[1920-ci il]] fevralın 11-12-də keçirilən birinci qurultayı [[Azərbaycan Xalq Cümhuriyyəti]]ni devirməklə hakimiyyəti ələ keçirmək məqsədilə "yerli şəraitdən və taktiki mülahizələrdən çıxış edib" RK(b)P Bakı Komitəsini, "Hümməti" və "Ədaləti" vahid [[Azərbaycan Kommunist (bolşeviklər) Partiyası]] (AK(b)P) halında birləşdirməyi qərara aldı. Qurultayın seçdiyi Mərkəzi Komitəyə "Ədalətdən" K.C.Ağazadə, [[Dadaş Bünyadzadə|D.X.Bünyadzadə]], [[Əliheydər Qarayev]], [[Ağababa Yusifzadə]] daxil oldular.