Yeni Azərbaycan Partiyası parlament tipli sağ mərkəzçi siyasi partiyadır. Azərbaycan Respublikası Konstitusiyasının çərçivəsində öz Proqram və Nizamnaməsinə uyğun fəaliyyət göstərən YAP hüquqi dövlət və vətəndaş cəmiyyəti quruculuğu ideyalarını həyata keçirmək, ölkədə sivil dəyərlər, demokratik prinsiplər əsasında hərtərəfli inkişafa nail olmaq insan hüquq və azadlıqlarının təminatı, liberal dəyərlərə söykənən güclü və sosial yönümlü iqtisadiyyat, sosial ədalət və hər bir Azərbaycan vətəndaşının təminatlı rifahı uğrunda mübarizə aparır.
== Qərargahı ==
Azərbaycanın hakim Yeni Azərbaycan Partiyasının baş qərargahı əvvəllər Bülbül prospekti 13 ünvanındakı binada qərarlaşmışdır. Əvvəllər bu bina Ədliyyə Nazirliyinə məxsus olub. Buraya köçənə qədər isə YAP Ü.Hacıbəyov küçəsində hazırda "Yeni Azərbaycan" və "Səs" qəzetlərinin redaksiyalarının yerləşdiyi binada fəaliyyət göstərib. YAP-ın hazırkı qərargahının geniş otaqları, iclas zalı var. Həmçinin bina texniki təchizat sistemi, sürətli internetlə təmin edilib. Bina polis əməkdaşları tərəfindən mühafizə edilir<ref>[http://lent.az/news.php?id=22601 Partiyalarımız hara sığınır?]</ref>.
2018-ci ilin mayın 18-də Bakıda Yeni Azərbaycan Partiyasının yeni inzibati binasının açılışı olmuşdur. Yeni qərargah Yusif Səfərov küçəsi 10-da yerləşir.<ref>[http://1news.az/az/mobile/news/prezident-ilham-eliyev-yap-in-yeni-inzibati-binasinin-acilisinda-istirak-edib Bakıda YAP-ın yeni inzibati binasının açılışı olub ]</ref>