Oyunski XX əsrin böyük və faciəvi fiqurlarından biri olub. Onun haqqında danışanda adətən belə yazırlar: Şair və inqilabçı. Yazışı və publisist. Romantik və praqmatik. İdealist və materialist. Qurucu və dövlətçi. O zamankı SSRİ tərkibində Yakutiya Sovet Sosialist Muxtar Respublikasının yaradılması məhz onun uzun mübarizəsi nəticəsində mümkün olub. Respublikasının dövlət kimi təşəkkül tapmasında, elm və mədəniyyətinin inkişafında və doğma ana dilində məktəb və nəşrlərin olmasında Platon Oyunski gərgin əmək sərf edib.

Saxalıların milli mədəni azadlığının təmin olunmasında verdiyi mücadilə isə SSRİ rəhbərliyinin qəzəbinə tuş gəlir. Oyunski 1938-ci ildə İrkutskda həbs olunur. 1894-cü ildə Yakutiyada doğulan Platon Oyunski 1939-cu ilin 31 oktyabrında elə öz vətənində zindanda həyatla vidalaşır.