Nizami “Sirlər Xəzinəsi”ni yazarkən hər şeydən əvvəl Azərbaycan xalqının yaratdığı və ya Azərbaycan xalqı içərisində yayılmış folklordan bəhrələnmişdir.<ref>X. Hüseynov - Nizaminin “Sirlər Xəzinsəsi”, Bakı, 1983, səh. 67</ref> Lakin o, həm də Şərq xalqlarının – iranlıların, çinlilərin, hindlilərin, çinlilərin, ərəblərin və başqalarının folklorunu da mənimsəmiş, əsərlərini yaradarkən öz mövzu və ideyalarını həmin xalqların folkloru ilə də zənginləşdirmişdir.<ref>Səlim Neysari – Tarixe ədəbiyyate İran, Tehran, 1334, səh. 331</ref>
Nizaminin istifadə etdiyi folklor nümunələrindən biri də çox qədim zamanlarda yaradılmış və bizim dövrə qədər gəlib çıxmış ''“Bəxtiyarnamə”'' dastanıdır.<ref>X. Hüseynov - Nizaminin “Sirlər Xəzinsəsi”, Bakı, 1983, səh. 68</ref> Bundan əlavə Azərbaycan və Şərq xalqlarının folklorunun məhzuluməhsulu olan nağıllarda, dastanlar da Nizaminin faydalandığı mənbələr sırasındadır. Nizami “Sirlər Xəzinəsi”ni yaradarkən xalq yaradıcılığının təsiri altında yaradılmış ictimai dövlət quruluşu və əxlaq məsələlərindən bəhs edən, özünə qədər yaradılıb şöhrətlənmiş yazılı əsərlərdən də istifadə etmişdir. [[Səlcuqlular]]ın dövlət və əxlaq prinsiplərini özündə cəmləşdirən məşhur Səlcuqlu vəziri [[Nizamülmülk]]ün ictimai-fəlsəfi nəsr əsəri olan “Siyasətnamə” də belə əsərlərdən biridir. “Siyasətnamə”də də dövləti idarə etmək, ədalətli olmaq, padşahların əxlaqı haqqında bir sıra fəsil və hekayələr vardır.<ref>Əbu Əli Həsən Nizamülmülk – Siyasətnamə ya siyər əl-mülk, Tehran, 1310, səh. 13-15</ref> “Siyasətnamə”də hətta Nizaminin ''“Sultan Səncər və qarı”'' hekayəsinin məzmununa uyğun bir hekayə də vardır.<ref>Əbu Əli Həsən Nizamülmülk – Siyasətnamə ya siyər əl-mülk, Tehran, 1310, səh. 39-42</ref> Nizaminin “Sirlər Xəzinəsi”ndən təxminən yüz il əvvəl yazılmış “[[Qabusnamə]]” əsərində də “Sirlər Xəzinəsi” ilə oxşar mövzuların olması, tədqiqatçılara Nizaminin həmin əsər ilə də tanış olduğunu söyləməyə imkan vermişdir.<ref>X. Hüseynov - Nizaminin “Sirlər Xəzinsəsi”, Bakı, 1983, səh. 71</ref>