Bakcell şirkəti 1994-cü ildə təsis edilib və ölkədə mobil rabitə xidmətləri göstərən ilk şirkətdir. Abunəçilərinə ən müasir rabitə xidmətləri təqdim etmək üçün 2010 – cu ildə öz şəbəkəsinin inkişafına düzgün sərmayə yatırımları sayəsində Bakcell şəbəkəsi hal-hazırda əhalinin 95%-ni, ölkə ərazisinin isə 82%-ni əhatə edir. Yüksək sürətli internet xidmətləri göstərmək üçün bütün şəbəkə EDGE texnologiyası əsasında təkmilləşdirilib. Hal-hazırda 2000-dən çox baza stansiyasının fəaliyyətdə olması ilə ən ucqar ərazilərdə də yüksək keyfiyyətli rabitə təmin olunur. Görülən işlərin nəticəsində Bakcell-in aktiv abunəçilərinin sayı 2.5 milyon təşkil edir və onların sayı durmadan artmaqda davam edir.

2009-cu ildə Bakcell Xəzər İnteqrasiya Bizness Klubu tərəfindən “İlin telekommunikasiya şirkəti” adına layiq görülüb. 2010-cu ilin mart ayında Bakcell “Ən sürətlə inkişaf edən şirkət” kimi UĞUR Milli mükafatını qazanıb. 2010-cu ildə şirkət “İlin texnologiya lideri” və “İlin korporativ sosial məsuliyyət lideri” nominasiyaları üzrə Azeri Business Award tərəfindən milli mükafatlarla təltif edilib. Bakcell Azərbaycan iqtisadiyyatına ən çox sərmayə qoyan şirkətlərdən biridir və qayğıya ehtiyacı olan uşaqları dəstəkləyən “Bakcell Stars” adlı Korporativ Sosial Məsuliyyət programını həyata keçirir.

Postpaid tarif planları olan Klass və Gold – abunə haqqı və çevik tarif şərtləri olan tariflərdir. Balansın doldurulması ödəniş kartları vasitəsilə, xüsusi ödəniş məntəqələrində və ya banklarda və onların bankomatlarında ödəniş yolu ilə mümkündür. Klass və Gold tariflərində Bakcell abunəçiləri zəng edə, mesaj göndərə, zəng və mesaj qəbul edə bilər, İnternet, rouminq və şirkətin təklif etdiyi digər xidmətlərdən istifadə edə bilərlər. amma bir az peyserlik var