'''Azərbaycan BMT Təhlükəsizlik Şurasında''' — [[Azərbaycan Respublikası]]nın [[Birləşmiş Millətlər Təşkilatının Təhlükəsizlik Şurası]]ndakı fəaliyyəti.

 

[[Azərbaycan Respublikası]] ilk dəfə [[24 oktyabr]] [[2011]]-ci ildə [[BMT Təhlükəsizlik Şurası]]nın iki illiyə ([[2012]]-[[2013]]) qeyri-daimi üzvü seçilmişdir.

 

Azərbaycan BMT Təhlükəsizlik Şurasına iki illiyə qeyri-daimi üzvlüyə 17 raundluq səsvermədən sonra seçilmişdir. Səsvermənin ilk raundu [[21 oktyabr]]da olmuşdur. Həmin səsvermədə [[Azərbaycan]] 74, rəqibləri [[Sloveniya]] 67, [[Macarıstan]] isə 54 səs toplamışdır. Ancaq yetərsay olmadığı üçün (129 səs) [[Azərbaycan]]la [[Sloveniya]] növbəti raunda qatılmışdır. İkinci raundda isə [[Sloveniya]] 97, [[Azərbaycan]] isə 90 səs toplamışdır. Yetərsay yenə də olmamışdır. Üçüncü raundda da yetərsay olmadığı üçün Azərbaycan ümidini 4-cü raunda bağlayıb. Daha sonra səsvermə 9-cu raundadək qalib müəyyən olunmadan davam edib. Axırda isə səsvermənin bazar ertəsi günü - [[24 oktyabr]]da davam etdirilməsi qərarına gəlinib.

 

[[Sloveniya]]nın [[2012]]-[[2013]]-cü illər üçün qeyri-daimi üzvlüyə namizədliyini geri götürməsindən sonra yeganə namizəd kimi son səsvermədə iştirak edən [[Azərbaycan]] 155 səs toplayaraq növbəti iki il ərzində BMT Təhlükəsizlik Şurasında qeyri-daimi üzvlük hüququ qazanmışdır. Azərbaycanın Şuraya üzvlüyü [[2012]]-ci il yanvar ayındandır.

 

 

Azərbaycan BMT Təhlükəsizlik Şurasının iclasında qeyri-daimi üzvü kimi ilk dəfə [[4 yanvar]] [[2012]]-ci ildə iştirak etmişdir.

 

 

[[Şəkil:Stamps of Azerbaijan, 2011-995.jpg|right|thumb|200px|[[2011]]-ci ildə buraxılmış poçt markası]]

[[2011]]-ci ilin [[21 oktyabr|oktyabr ayının 21-də]] [[Bakı şəhəri]]ndə [[Azərbaycan Respublikası Rabitə və İnformasiya Texnologiyaları Nazirliyi]]nin "Azərmarka" şirkəti tərəfindən [[Azərbaycan]]ın 2012-2013-cü illər üçün [[BMT Təhlükəsizlik Şurası]]na namizədliyinə həsr olunmuş poçt markası təqdim edilmişdir. Həmin markanın qiyməti 60 qəpik, tirajı isə 50000 ədəd idi<ref>[http://azermarka.az/index_az.php?subaction=showfull&id=1319460059&archive=&start_from=&ucat=1& 21.10.2011. Azərbaycanın BMT Təhlükəsizlik Şurasına namizədliyi 2012/2013 '''azermarka.az'''] {{az}}</ref>.

 

 

 

<references/>

 

{{Vikixəbər|Azərbaycan BMT Təhlükəsizlik Şurasının üzvü seçildi}}

*[http://www.president.az/articles/3381 İlham Əliyevin Azərbaycanın BMT Təhlükəsizlik Şurasına üzv seçilməsi münasibətilə bəyanatı.] {{az}}