Atası teatra böyük marağı olan orta səviyyəli bir dövlət məmuru idi. Təsadüfi deyil ki, Stouker təhsilini bitirdikdən sonra, daha dəqiq desək, 1890-cı illərdə dövlət məmuru olmuşdur. Stouker təxminən bu illərdə sonralar ona böyük şöhrət və məşhurluq gətirən “Dracula” romanını yazmağa başlamışdır. O, təqribən 10 ilə yaxın dövlət məmuru kimi işlədiyi müddət ərzində atasının marağına uyğun şəkildə heç bir haqq tələb etmədən təmənnasız olaraq teatrla bağlı tənqidi əsərlər yazmışdır. İlk əsərləri ona uğur gətirməsə də, 1876-cı ildə yazdığı bir əsəri ilə o dövrün məşhur aktyoru HenryHenri İrvingİrvinq tərəfindən kəşf olunmuşdur. İki il sonra isə dövlət məmurluğundan istefa edib Londona köçən Stouker İrvinginİrvinqin yanında işləyərək adi işçidən xüsusi katib vəzifəsinə qədər yüksəlmişdir. Bu illərdə o yazıçılığını da davam etdirmiş, tamamladığı məşhur “Dracula” romanını 1897-ci ildə İngiltərədə yayınlamışdır.

Broum Stouker həyatının sonrakı illərində ədəbiyyatla məşğul olmuş, evlən­miş və ömrünün sonunadək ən çox sevdiyi dostu İrvinginİrvinqin yanından ayrılma­mış­dır. La­kin bir versiyaya görə Stoukerin İrvingləİrvinqlə arasının yaxşı olmadığı bildiri­lir. Hətta Stoukerin Draculanın xarici görünüşünü, despotluğunu və eqoistliyini İrvingdənİrvinqdən gö­türdüyü iddia edilir. Ədalət naminə deməliyik ki, həqiqətən də İrvingİrvinq qədər Dra­culanın xarici görkəmini və xüsusiyyətlərini əks etdirən ikinci bir tip tapmaq çox çətindir.

Stouker həyatda ciddi, mədəni və qabiliyyətli bir insan olmuşdur. Davranış­la­rın­dan və xarici görkəmindən o, sanki VictoriaViktoriya dövrünün kübar bir centlmenini xatırladırdı. Eyni zamanda o, macarapərəst biri idi. Həyatında maraqlı və qəribə hadisələr çox olmuşdur. Məsələn, bir dəfə o, Thames çayında qayıqla gəzərkən su­ya tullanan birini görür. Dərhal suya atılıb onu sahilə çıxarsa da, həmin adamı ölü­mün pəncəsindən xilas etmək mümkün olmur. Lakin buna baxmayaraq, Stoukeri cəsarətinə görə bürünc medalla təltif edirlər.