Vüsal Allahverdiyev (tam adı: Vüsal Tahir oğlu Allahverdiyev; 16 avqust 1988, Qubadlı – 30 oktyabr 2020, Xocavənd rayonu) — Azərbaycan Silahlı Qüvvələrinin əsgəri, Vətən müharibəsinin şəhidi.
| Vüsal Allahverdiyev | |
|---|---|
| Fayl:Vüsal Allahverdiyev.jpg | |
| Şəxsi məlumatlar | |
| Doğum tarixi | |
| Doğum yeri | Qubadlı, Azərbaycan |
| Vəfat tarixi | (32 yaşında) |
| Vəfat yeri | Xocavənd, Azərbaycan |
| Dəfn yeri | |
| Vətəndaşlığı |
 Azərbaycan
|
| Təhsili |
|
| Hərbi fəaliyyəti | |
| Mənsubiyyəti |
 Azərbaycan Ordusu
|
| Qoşun növü |
 Quru Qoşunları
|
| Xidmət illəri | 2020 |
| Rütbəsi | Əsgər |
| Döyüşlər |
Vətən müharibəsi • Füzuli döyüşləri Cəbrayıl döyüşləri Xocavənd döyüşləri |
| Təltifləri |
  
|
Həyatı
Vüsal Allahverdiyev Tahir oğlu 16 avqust 1988-ci ildə Azərbaycan Respublikasının Qubadlı rayonunda anadan olmuşdur. 31 avqust 1993-cü ildə məcburi köçkün kimi, ailəsi ilə Sumqayıt şəhərində məskünlaşmışdı.1995-ci ildə 1-ci sinifinə daxil olmuşdur. 2004-cü ildə həmin məktəbin 9-cu sinifini bitirmişdir. Daha sonra məktəbi dəyişərək, Qubadlı rayon 2 saylı tam orta məktəbdə təhsilinə dəvam etmişdir. 2006-cı ildə isə, həmin məktəbin məzunu olmuşdur. Kooperasiya universitetinin malliyə və kredit fakultəsinə daxil olmuş. 4 il sonra isə, həmin universteti bitirmişdir. 2010-2011-ci illərdə Gəncə şəhərində yerləşən N saylı hərbi hissədə həqiqi hərbi xidmət keçmişdir. 2012-2015-ci illərdə "UNİBANK" Kommersiya Bankında İstehlak krediti üzrə Aparıcı Mütəxəssiz vəzifəsində çalışıb. Daha sonra Kontakt Home mağazalar şəbəkəsində kredit mütəxəssisi kimi çalışıb. 2020-ci ildən Kapital Bankda "Birkart Bank olmayan Kredit Təşkilatı" MMC-nin 20 saylı filialının müdürü vəzifəsində işləyib. Sonra həmin vəzifədən və işdən öz ərizəsi ilə ayrılıb.
Ailəsi
Atası - Tahir Allahverdiyev Qafar oğlu Birinci Qarabağ müharibəsi veteranıdır. Ailədə 1 qardaş, 1 bacı idilər . Subay idi.
Hərbi xidməti
Vüsal Allahverdiyev Tahir oğlu 12 iyul 2020-ci il tarixində başlayan Tovuz döyüşləri zamanı General-mayor Polad Həşimov şəhid olduqdan sonra, Səfərbərlik və Hərbi Xidmətə çağırış üzrə Qubadlı rayon şöbəsinə müraciət edib və könüllü olaraq yazılıb. 27 sentyabr 2020-ci il tarixində başlayan İkinci Qarabağ müharibəsinə, oktyabr ayının 1-də könüllü olaraq ordu sıralarına qatılmışdır və Füzuli rayon Seyidəhmədli kəndində, Cəbrayıl və Xocavənd rayonu istiqamətində döyüşlərdə iştrak etmiş, böyük şücaət göstərmişdir. Ən son oktyabr ayının 30-da Xocavənd rayonunun azadlığı uğrunda gedən döyüşlərdə qəhrəmanlıq göstərmişdir, lakin döyüş zamanı düşmən gülləsinə tuş gələrək şəhidlik zirvəsinə ucalmışdır. Daha sonra nəşi ailəsinə təhvil verilmiş və Sumqayıt şəhər Şəhidlər xiyabanında dəfn edilmişdir.
Təltifləri
Ölümündən sonra Azərbaycan Respublikasının Prezidentinin :
15 dekabr 2020-ci il sərancamı ilə "Vətən Uğrunda" medalı
18 dekabr 2020-ci il sərancamı ilə "Döyüşdə Fərqlənməyə görə" medalı
25 dekabr 2020-ci il sərancamı ilə "Füzulinin Azad olunmasına görə" medalı ilə təltif olunmuşdur.