Zülfüqar Qubadov (tam adı: Zülfüqar İsmi oğlu Qubadov; 25 sentyabr 1975, Ağsu – 13 oktyabr 2020, Ağdərə) — Azərbaycan Silahlı Qüvvələrinin zabiti (kapitan), Vətən müharibəsinin şəhidi.
Zülfüqar Qubadov | |
---|---|
Fayl:Zülfüqar Qubadov .jpg | |
Şəxsi məlumatlar | |
Doğum tarixi | |
Doğum yeri | Ağsu, Azərbaycan |
Vəfat tarixi | (45 yaşında) |
Vəfat yeri | Ağdərə, Azərbaycan |
Dəfn yeri | |
Vətəndaşlığı | Azərbaycan |
Təhsili | |
Hərbi fəaliyyəti | |
Mənsubiyyəti | Azərbaycan Ordusu |
Qoşun növü | Quru Qoşunları |
Xidmət illəri | 1995-2020 |
Rütbəsi | Kapitan |
Döyüşlər |
Vətən müharibəsi • |
Təltifləri |
Həyatı
Zülfüqar Qubadov İsmi oğlu 25 sentyabr 1975-ci il tarixində Azərbaycan Respublikasının Ağsu rayonunun Dilman kəndində anadan olmuşdur. Orta məktəbi bitirdikdən sonra hərbiyə olan marağından, 1992-ci ildə Bakı Ali Birləşmiş Komandirlər məktəbinə daxil olmuş və tankçı ixtisası üzrə təlim görmüşdür. 1995-ci ildə isə, məktəbi bitirərək leytenant rütbəsi almışdır. Eyni ildə Türkiyə Respublikasında ixtisası üzrə 3 ay təlim kursu keçmişdir. 1995-1999-cu illərdə Murov dağ hərbi hissəsində tankçı tağım komandiri vəzifəsində işləmişdir. 1999-2008-ci illərdə Tovuz və Şəmkir rayonunda yerləşən hərbi hissələrdə vəzifəsinə bölük komandiri olaraq davam etmiş və kapitan hərbi rütbəsi almışdır. 2008-ci ildə ehtiyatda olan zabıt kimi təqaüdə çıxmışdır.
Hərbi xidməti
Ehtiyatda olan zabit Zülfüqar Qubadov 27 sentybar 2020-ci il tarixində başlayan İkinci Qarabağ müharibəsinin, ilk başlarından etibarən ordu sıralarına qatılmışdır. Tərtər rayon Ağdərə ərazisi və Talış, Suqovuşan kəndlərinin azadlığı uğrunda gedən döyuşlərdə iştirak etmiş və böyük şücaət göstərmişdir. 13 oktyabr 2020-ci il tarixində Tərtər rayon Ağdərə ərazisi istiqamətində gedən döyüşlərdə qəhrəmanlıq göstərmişdir, lakin döyüş zamanı aldığı qəlpə yarasından şəhidlik zirvəsinə ucalmışdır.15 oktyabr 2020-ci il tarixində Ağsu rayonunun Dilman kəndində böyük izdihamla dəfn edilmişdir.