İbrahim Məmmədov (tam adı: İbrayim Azər oğlu Məmmədov; 25 fevral 2000, Gəncə – 9 noyabr 2020, Şuşa rayonu) — Azərbaycan Silahlı Qüvvələrinin əsgəri, Vətən müharibəsinin şəhidi.
| İbrahim Məmmədov | |
|---|---|
| Fayl:İbrahimMəmmədov.jpg | |
| Şəxsi məlumatlar | |
| Doğum tarixi | |
| Doğum yeri | Gəncə, Azərbaycan |
| Vəfat tarixi | (20 yaşında) |
| Vəfat yeri | Şuşa, Azərbaycan |
| Vətəndaşlığı |
 Azərbaycan
|
| Hərbi fəaliyyəti | |
| Mənsubiyyəti |
 Azərbaycan Ordusu
|
| Qoşun növü |
 Quru Qoşunları
|
| Xidmət illəri | 2020 |
| Rütbəsi | Əsgər |
| Döyüşlər |
Vətən müharibəsi • Füzuli döyüşləri Cəbrayıl döyüşləri Şuşa döyüşləri |
Həyatı
İbrahim Məmmədov Azər oğlu 25 fevral 2000-ci il tarixində Azərbaycan Respublikasının Gəncə şəhərində anadan olmuşdur. 2006-cı ildə Gəncə şəhər İsmət Qayıbov adına 1 nömrəli tam orta məktəbin 1-ci sinifinə daxil olmuşdur. İbrahim Məmmədov uşaq yaşlarından idmana böyük marağı olduğundan, professional olaraq sərbəst güləş idman növü üzrə məşqlərə başlamışdır və qısa bir vaxtda bir neçə uğurlara imza atmışdır. 2018-ci ildə həmin məktəbin məzunu olmuşdur. Eyni ildə müddətli hərbi xidmətə yollanmışdır. 2020-ci ilin yanvar ayında hərbi xidməti başa vurmuşdur.
Hərbi xidməti
İbrahim Məmmədov Azər oğlu 27 sentyabr 2020-ci il tarixində başlayan İkinci Qarabağ müharibəsininin ilk başlarında könüllü olaraq ordu sıralarına qatılmışdır. Ağdam, Füzuli, Cəbrayıl və Şuşa rayonlarının azadlığı uğrunda gedən döyüşlərdə böyük şücaət göstərmişdir. 9 noyabr 2020-ci il tarixində Şuşa rayonu istiqamətində gedən döyüşlərdə qəhrəmanlıq göstərmişdir, lakin döyüş zamanı qəlpə yarası alaraq, qan axmasından şəhidlik zirvəsinə ucalmışdır. 14 noyabr 2020-ci il tarixində Gəncə şəhər Şəhidlər xiyabanında böyük izdihamla dəfn edilmişdir.