Rabil İsmayılov Elbrus oğlu 12 fevral 1980-ci il tarixində Azərbaycan Respublikasının Gəncə şəhərində anadan olmuşdur. 1987-ci ildə Gəncə şəhər 14 nömrəli tam orta məktəbin 1-ci sinifə daxil olub. 1997-ci ildə həmin məktəbin məzunu olmuşdur. Daha sonra Bakı Dövlət Universtetinin Tetbiqi riyaziyyat fakültəsinə qəbul olub. Universiteti bitirdikdən sonra, müddətli hərbi xidmətə yollanmışdır . 2002-ci il tarixində hərbi xidməti bitirərək, Gəncə Dövlət Universitetinin magistr üzrə təhsil almağa başlamışdır. 2017-ci ildən Gəncə şəhər 14 nömrəli tam orta məktəbdə riyaziyyat müəllimi kimi fəaliyyət göstərib.

Ehtiyyatda olan zabit Rabil İsmayılov Elbrus oğlu 27 sentybar 2020-ci il tarixində başlayan İkinci Qarabağ müharibəsinin, ilk başlarından etibarən ordu sıralarına qatılmışdır. Füzuli, Cəbrayıl və Xocavənd rayonlarının azadlığı uğrunda gedən döyüşlərdə böyük şücaət göstərmişdir. 3 noyabr 2020-ci il tarixində Xocavənd rayonu istiqamətində gedən döyüşlərdə qəhrəmanlıq göstərmişdir, lakin döyüş zamanı aldığı qəlpə yarasından şəhidlik zirvəsinə ucalmışdır. Gəncə şəhər şəhidlər xiyabanında böyük izdihamla dəfn edilib. Ölümündən sonra "Vətən uğrunda " medalı ilə təltif edilib.