Məmmədov Elnur - İkinci Qarabağ müharibəsinin iştirakçısı, şəhid .
Məmmədov Elnur İsrafil oğlu 16 sentyabr 1989-cu ildə Daşkəsən rayonunda anadan olmuştur . Uşaqlıqdan vətənə, torpağa, elə-oboya bağlılıq hissi onda çox güclü idi, buna görə də böyüdüyündə hərbici olmaq qərarına gəldi . 20% torpağımızın düşman tapdağı altında qalması onu narahat edirdi və bir gün qisas gününün gələcəyinə ümid edirdi. Məmmədovlar ailəsinin üç oğlu vardı, evin böyüyü olan Elnurun bir gün, Vətən müharibəsində iştrak edəcəyi, hətta şəhidlik zirvəsinə yüksələcəyi ağıllarna belə gəlməzdi . 27 sentyabr 2020-ci il səhər saatlarında Ermənistan Silahlı Qüvvələrinin genişmiqyaslı təxribat törədərək cəbhəboyu zonada yerləşən Azərbaycan ordusunun mövqelərini və yaşayış məntəqələrini iriçaplı silahlar, minaatanlar və müxtəlif çaplı artilleriya qurğularından intensiv atəşə tutması nəticəsində, bir mənalı olaraq, İkinci Qarabağ müharibəsi başladı. O sırada ailəli və iki əkiz qızı olan Elnur, ailəsi ilə vədalaşdı, çünki Vətənin onun kimi mərd oğullara ehtiyacı olduğunu bilirdi . Uşaqlarının gözlərindən öpüb, anasından halallıq alan Elnur, Vətənin keşiyinə yollandı. Bu şanlı qələbədə onunda payı olmalı idi və olduda . 2 oktyabr 2020 ci ildə Kəlbəcər istiqamətində, qəhramanlıq göstərərək şəhadətə qovuşdu .
Qəhramanlıq
Kəşfiyatcı Məmmədov Elnur döyüşün hələ ilk başlarından İkinci Qarabağ müharibəsində iştrak etmişdir . Müxtəlif mövqeylərdə döyüşən Elnur, Oktyabrn 1-ri Kəlbəcərə keçid edib. Komandiri və döyüş yoldaşları ilə birlikdə düşmənin iki postunu dağıdıb . Döyüş gedən zamanı, içi dolu erməni zabiti olan UAZ markalı maşınının yaxınlaşdığını görən komandiri, Elnura başını qaldırmamasını deyib, lakin Elnur sinəsini düşmənə sipər edərək, içi zabit dolu UAZ maşınını partladıb, özü isə düşmənin snayper gülləsinə tuş gəlib və qarın nahiyəsindən yaralanıb . Birəz yerdə qaldıqdan sonra özünü toparlayıb və döyüş yoldaşlarına siz geri çəkilin deyərək, düşmənə hücüm edib ,lakin çox təəsüf ki, snayperlə ağız nahiyəsindən vurularaq, şəhidlik mərtəbəsinə ucalmışdı . Komandiri onun nəşrini çıxara bilmədi üçün, düşmənin əlinə keçməsin deyə, iki qayanın arasıında gizlətmişdir. Elnurun nəşri 49 gün neytralda qalmışdı. 50-ci günə keçən gecə də komandiri və döyüş yoldaşları, onun nəşrini gizlətdikləri yerdən götürərək, ailəsinə təslim etmişlər.