Mirbaba Mircavad oğlu Babayev 18 mart 1947-ci ildə Lənkəran rayonunun Sütəmurdov kəndində ruhani ailəsində anadan olub. 1965-ci ildə Lənkəran şəhər 1 saylı orta məktəbi qızıl medalla bitirib. 1971-cı ildə Azərbaycan Dövlət Universitetinin Fizika fakultəsini bitirib. 1971-ci ildən AMEA-nın Fizika İnstitutuda işləyir: 1971-1974 – aspirant, 1974-1981- kiçik elmi işçi, 1981-2004- böyük elmi işçi, 2004-2008- aparıcı elmi işçi, 2009- 2018- “Nanokristallar fizikası” laboratoriyasının rəhbəri, 2018-ci ildən baş elmi işçi vəzifəsində çalışır [5]. 1979-cu ildə namizədlik dissertasiyası (elmi rəhbəri – Tofiq Qasımov), 2008-ci ildə isə doktorluq dissertasiyası (məsləhətçi – akademik Firudin Haşımzadə) müdafiə edərək fizika-riyaziyyat elmləri doktoru elmi dərəcəsi alıb [1]. Elmi fəaliyyətlə yanaşı o, AMEA Fizika İnstitutunun nəzdindəki magistraturada fizikanın müasir problemlərindən bəhs edən mühazirələr oxuyub. 1988-ci ildən başlayaraq Azərbaycanın müstəqilliyi və demokratikləşməsi uğrunda mübarizədə fəal iştirak edib [4,5]. Evlidir, 3 oğlu, 6 nəvəsi var.

Tədqiqatları əsasən, güclü elektrik sahəsində yarımkeçiricilərdə baş verən kinetik hadisələrin nəzəriyyəsinə və aşağı ölçülü sistemlərdə köçürmə hadisələrinə aiddir. Yarımkeçiricilərin nəzəriyyəsi sahəsində aldığı elmi nəticələr ölkəmizdə və xaricdə nüfuzlu elmi jurnallarda çap olunmuşdur, 80 elmi işin müəllifidir, bunlardan 17-si Beynəlxalq bazalarda indeksləşən jurnallarda (Web of Science, Scopus) dərc olunub. Beynəlxalq və ölkə səviyyəli bir sıra elmi konfrans və seminarlarda məruzə ilə çıxış edib. Fizika İnstitutunun nəzdində fəaliyyət göstərən Dissertasiya Şurasının sabiq sədr müavini, indi isə üzvüdür [2]. Pedaqoji fəaliyyətlə məşğul olur, AMEA Fizika İnstitutunun nəzdindəki magistraturada “Fizikanın müasir problemləri” fənnindən mühazirələr oxuyur. Elmin təbliğində və təhsil sahəsində müəyyən xidmətləri var. “Elm və həyat” və digər elmi-kütləvi jurnallarda elmin müxtəlif məsələlərinə aid məqalələri çap edilib. İctimai əsaslarla Dövlət İmtahan Mərkəzində fizika fənni üzrə ekspertdir.

Thermopower and thermomagnetic effects in Kane semiconductors under conditions of electron and phonon heatings and their mutual drag // Phys. Stat. Sol. (b), 1983, v.119, p.391

2. Thermoelectic power of nondegenerate Kane semiconductors under the conditions of mutual electron-phonon drag in a high electric field // Phys. Rev. B, 2002, v.65, p.165324

3. Influence of mutual drag of the carrier-phonon system on the thermopower and transverse Nernst-Ettigshausen effect // Phys. Rev. B, 2003, v.67, p.115329

4. Thermomagnetic effects of nondegenerate Kane semiconductors under the conditions of mutual electron-phonon drag in high electric and arbitrary magnetic fields // J.Phys.: Condens. Matter, 2005, v.17, p.3255

5. Magneto-thermoelectric effects of 2D electron gas in quantum well with parabolic confinement potential in-plane magnetic field // Journal of Physics: Conference Series, 2010, v.245, p. 012015

6. Relaxation processes and mobility of electrons in a semiconductor quantum well with the modified Pöschl-Teller confining potential // Chinese Journal of Physics, 2018, v. 56, p.2977

Azərbaycan xalq hərəkatının fəal iştirakçısıdır [4,5]. Bakı Alimlər Klubunun (1988), Azərbaycan Xalq Cəbhəsinin (AXC) qurucu üzvlərindən biridir. AXC Təsis Qrupunun (1988-1989), AXC Müvəqqəti Təsis Mərkəzinin (25.02.1989-16.07.1989), AXC Ali Məclisinin (1989-1993), AXC Ali Məclisi Rəyasət Heyətinin (1991-1993) üzvü, AXC-nin Elmlər Akademiyası şöbəsinin rəhbəri (1990-1992) olub [5]. Müsavat Partiyasının Azərbaycanda bərpasında (1992), Partiyanın yeni Nizamnamə və Məramnaməsinin hazırlanmasında iştirak edib. Müsavat Partiyası Bərpa Mərkəzinin (1992) üzvü, Müsavat Partiyası başqanının təşkilat məsələləri üzrə müavini (1992-1995), Müsavat Partiyası Divanının (1992-2001), Məclisinin (1992-2001, 2006-2014) və Mərkəzi Nəzarət-Təftiş Komissiyasının (2001-2006) üzvü olub [5]. Müsavat Partiyası başqanının müşaviridir.

1. Azərbaycan Milli Ensiklopediyası, II cild, "Azərbaycan Milli Ensiklopediyası" Elmi Mərkəzi, Bakı, 2010.

2.

3.

4. Azərbaycan Xalq Cəbhəsinin 30 illiyi - Tarixçi professor ...

5. Ədalət Tahirzadə. Meydan: 4 il 4 ay, Bakı: “Qanun nəşriyyatı”, 2021.

6. Araz Yaquboğlu. Tələbə dünyası. Bakı: "Elm və təhsil", 2011.

7.

8.

9.

10.

11.