Məqalədə bir dini görüş tərəfdarlarının fikri yer alıb. "İnsanlar üçün İlahi Vəhy işığını əks etdirən qüsursuz güzgüyə bənzəyirdi" və ya "Bəhai təliminin kamil nümunəsi kimi fövqəlinsani biliklərə malik idi" kimi qeyri-ensiklopedik fikirlər var və ümumi məzmunu da bir dini tabliğat kimi qiymətləndirilə bilər.--Melikov Memmed 04:39, 19 İyun 2010 (UTC)

Qardaş, Əbdül-Bəha Abbas səhifəsini mən yaratmışam. Düzdü mən bəhaiyəm. Amma mən uydurma şişirmələr etməmişəm burada. Digər tərəfən Xristianlıq vikipediyada sırf xristian baxışı ilə, İslam sırf müsəlman baxışı ilə yaradılıbsa niyə Bəhailiklə bağlı səhifə ona inanmayan insanın baxışı ilə yaradılmalıdı ki? Məsələn, müsəlman İslamla bağlı səhifə yaradanda Məhəmməd peyğəmbərin adının qarşısına "Həzrət" sözünü yazır, amma bu bəlkə bir xristianın inanclarına səhv düşür və o da mövzuda tərəfkeşlik olduğunu düşünə bilər. Amma bu onun öz problemidi, əgər bir ölkədə hansısa dinin ardıcılları varsa onlar öz peyğəmbərinin adının qarşısına Həzət sözünü yazmaqda azaddırlar. Amma mən yenə də hətta bu cüzi inanc tərəfkeşliyindən qaçdım və Bəhaullah, Bab, Əbdül-Bəha kimi şəxsiyyətlərdən danışarkən heç bir halda onlarının adının qarışısına Həzrət sözünü belə yazmadım, hərçənd adi həyatda biz bu sözü mütləq işlədirik. Yenə Əbdül-Bəhanın şəxsiyyətinə qayıdaraq demək istərdim ki, yazdığınız 2 cümlədə heç bir şişirtmə yoxdur, Əbdül-Bəhanın yüzlərlə kilsə, məscid, sinaqoq, universitet və digər institutlardakı mühazirələrini tapıb oxuyun və özünüz görün.

Amma yenə nəzərdə tutduğunuz cümlələri silirəm. Hörmətlə 17:12, 19 İyun 2010

Məsələ, sadəcə şişirtmə olub-olmadığında deyil, Vikipediya qaydalarına görə məqalə mütləq ensiklopedik stildə olmalı, həm də tək bir qrupun dünyagörüşünü əks etdirməməlidir. Azərbaycanca Vikipediyada bu mənada çox böyük problemlər var, dini mövzu ya tərəfli, ya da bir qrupun fikrini əks etdirir, çox düz qeyd edirsiniz ki, "Həzrət" və bu kimi yazılar Vikipediyada qətiyyən verilə bilməz, hətta bəzi məqalədə, məsələn, Məhəməd peyğəmbəri nəzərdə tutub yalnız "peyğəmbərin əmisi idi" və s. yazılıb, yazan müsəlman olduğu üçün digər peyğəmbərləri belə yaddan çıxarıb. Mən gözüm staşdıqca çalışıram xəbərdarlıq edim. Yəni istər bəhaizm, istərsə də şiəlik və sünnilik, və ya ateizm təbliği Vikipediyada yolverilməzdir, dini təbliğat üçün xüsusi saytlar yaratmaq lazımdır, Vikipediya sadəcə bir ensiklopediyadır.--Melikov Memmed 12:55, 19 İyun 2010 (UTC)

--Sortilegus 21:25, 19 İyun 2010 (UTC)