[[1922]]-ci ildə [[Bəhai dini]]n mərkəzlərindən və [[Ümumdünya Ədalət Evi]]nin yerləşdiyi [[Hayfa]] şəhərinə köçən ailə burada yaşamağa başlayır. Əli Naxçıvani [[Hayfa]]da olduğu dönəmdə [[Bəhai dini]]n ruhani və inzibati qaydaları ilə daha yaxından tanış olmaq imkanı qazanmışdır. Əli ilk təhsilini [[Hayfa]] şəhərində yerləşən və [[Yezuitlər ordeni]]nə məxsus olan ''Des Freres Kollecində'' almışdır. Kollec yarı ibtidai-yarı orta məktəb olmaqla yanaşı, dərslər [[fransız dili]]ndə keçirilməkdə idi. ''Des Freres Kollecində'' təhsilini başa vurduqdan sonra [[Livan]]ın paytaxtı [[Beyrut]] şəhərinə yollanaraq burada ''Beyrut Amerika Universitetinin'' nəzdindəki məktəbdə orta təhsilini bitirmiş və daha sonra həmin Universitetdə İngilis ədəbiyyatı üzrə ali təhsil almışdır. Əli Naxçıvani [[1939]]-cu ildə təhsil aldığı universitetdən məzun oldu.
Ali təhsilini başa vurduqdan sonra əmək fəaliyyəti ilə məşğul olmaq üçün [[Tehran]] şəhərinə getmişdir. O, şəhərdəki əsas banklardan birində işə qəbul edilərək icraçı vəzifəsində işləməyə başlamışdır. Tehranda[[Tehran]]da yaşadığı zaman şəhərin tanınmış bəhailərindən birinin qızı Violette Bənani ilə ailə qurmuşdur. Əli Naxçıvani ailə həyatı qurduqdan sonra 12 il İranda[[İran]]da yaşamışdır. Bu müddət ərzində [[Qəzvin]], [[Gilan]], [[Zəncan]], [[Təbriz]] və [[Şiraz]] kimi şəhərlərə gedərək burada bəhailiklə bağlı müxtəlif təbliğatlar aparmışdır. Əsasən [[Təbriz]] və [[Şiraz]] şəhərlərində yaşayan Əli Naxçıvani burada təkcə mənsub olduğu dinin təbliğatını aparmamış, eyni zamanda həmin şəhərlərdə yerləşən seçkili orqanlarda məhsul vəzifələrdə çalışmışdır.
[[1951]]-ci ildə ailə Bəhailik təbliğatı ilə məşğul olmaq üçün Uqandaya[[Uqanda]]ya köçür. [[Afrika]] qitəsinə köçən zaman ailənin ilk övladı olan Bəhiyyənin üç yaşı vardı, üç il sonra isə Mehran adlı oğulları dünyaya gəlmişdir. Naxçıvani Afrikada[[Afrika]]da olduğu on ilə yaxın müddət ərzində [[Bəhai dinindini]]n müxtəlif seçkili orqanlarında xidmət etmişdir. [[1961]]-ci ildə bəhailərin bütün ''Milli Məhfilləri'' tərəfindən poçt vasitəsilə müvəqqəti Beynəlxalq Bəhai Şurasının seçkisi keçirildi. Əli Naxçıvani bu Şuraya üzv seçildi və iki il ərzində bu Şuranın Sədri olmuşdur.
[[1963]]-cü ildə, [[Bəhai dinindini]]n son rəhbər şəxsi hesab olunan [[Şövqi ƏfəndininƏfəndi]]nin vəfatından sonra dinin vahid idarə etmə mərkəzinin yaradılması qərarlaşdırılmışdır. Həmin il yaradılan [[Ümumdünya Ədalət Evi]]nin ümumi işlərini idarə etmək üçün Ali İdarəedici orqana seçkilər keçirilir və ilk seçkidəcə Əli Naxçıvani doqquz nəfərdən ibarət Ali Orqana üzv seçilir. Hər 5 ildən bir keçirilən seçkilərin hər birində iştirak edərək qalib gələn Əli Naxçıvani, ümumulikdə səkkiz dönəm Ali Orqana üzv seçilmişdir. Ədalət Evinin üzvü kimi o 40 il xidmət etmişdir. 2003-cü ildə, 84 yaşında, Ümumdünya Ədalət Evinin razılığı ilə o üzvlükdən istefa vermişdir. İstefa verdikdən sonra da o, həyat yoldaşı Violetta ilə birlikdə müxtəlif ölkələri gəzərək dinin yayılmasında xidmətlər göstərmişdir. 2011-ci ilin 14 sentyabr tarixində Əli Naxçıvaninin həyat yoldaşı Violette Bənani vəfat etmişdir.