'''Sərgüzəşti-vəziri-xani-LənkəranLənkərani''' ''(Lənkəran xanının vəzirinin sərgüzəştləri)'' — Mirzə Fətəli Axundzadənin [[1850]]-ci ildə yazdığı [[komediya]]. Bu əsər müəllifin yazdığı 3-cü komediya sayılır və [[Azərbaycan teatrı]] səhnəsində qoyulmuş ilk dramatik əsərdir. Komediyada xanlıq idarə üsulu komik dillə ifşa olunur. Burda dramaturq lətifələrdən bacarıqla istifadə edir, xanın şikayətlərə baxarkən çıxardığı hökmlər [[Molla Nəsrəddin]] lətifələri qədər məna daşıyır. Ədib bu lətifələrdən istifadə etməklə səriştəsiz, boşbeyin və ağılsız xanı xalq gülüşü ilə öldürür.<ref name="Hekayənin məqsədi və s.">{{cite web|title=Hekayənin məqsədi|url=http://www.anl.az/down/meqale/medeniyyet/2012/aprel/245884.htm}}</ref>
Hekayənin sujeti [[1800]]-[[1801]] illərə təsdüf edir. [[Talış xanlığı|Talış xanlığının]] vəziri Mirzə Həbib müstəbid kimi göstərilir, ancaq o, xanın qabağında qul kimi alçalır. Həmdə o, öz arvadları tərəfindən yalana və həqarətlərə məruz qalır. Komediyada saray və ailə intriqaları fonunda vəzirin baldızı Nisə xanım və qardaşı oğlu xan Teymur ağanın arasında fədakar məhəbbət göstərilib.