Azərbaycanda geniş yayılmışdır. Çox bitki ilə qidalanan növdür. Sürfələri və dişiləri ağac və kolların yarpaqlarında, nazik budaqlarında, saplaqlarda, gövdələrdə qidalanır. Yem bitkilərinin ayı 130 növə yaxındır. Akasiya çanaqlı yastıca Quba və Lənkəran şəraitində çəyirdəkli meyvələrdə, eləcə də Zaqatala rayonunda fındıqda ildə bir nəsil verir. Lənkəranda ağ akasiyada o, ildə iki generasiyada inkişaf edir.

Yetkin dişinin rəngi tünd qəhvəyi, üzərində hamar fır və basıqlar olur. Dişinin uzunluğu 6,0-6,5 mm-ə, eni 4, hündürlüyü 4 mm-ə çatır. Qanadlı erkək bənövşəyi-qonur rəngdə, bığcıqları və ayaqları bir qədər açıq rəngdə olur. 10 buğumlu bığcıqlarında çoxlu tükcüklər vardır. Yazda orta günlük temperatur 9-10° C-yə çatdıqda qşlama yerini tərk edərək ağacların çətirinin daha işıqlı hissələrinə kecir və qidalanmağa başlayırlar. İkinci yaş sürfələrinin qabıq qoyub cavan dişiyə çevrilməsi 1,5-2 ay sonra baş verir.