Hou 2006-cı ilin martında qadınlar arasında Dünya Çempionatında üçüncü raunda çatdı. O, ilk raundda Rusiyadan olan beynəlxalq usta Nadezhda Kosintsevanı 1½–½ hesabla məğlub etdi, ikinci raundda isə, 2000-ci il Avropa çempionu Ukraynalı qrosmeyster Natalia Zhukovaya qalib gəldi. O, üçüncü raundda Gürcüstandan olan Beynəlxalq usta Nino Khurtsidze tərəfindən 0–2 hesabla məğlub edildi. 2006-cı ilin may–iyun aylarında İtaliyanın Turin şəhərində keçirilən 37-ci Şahmat Olimpadasında Çin Bürünc medalla üçüncü yerə çıxdı. Hou İfan özünün ilk Olimpiada çıxışında bütün oyunları dördüncü lövhədə oynamaqla (+10, =2, −1) nəticəsini göstərdi. 84,6% qalibiyyət faizi ilə dördüncü lövhədə gümüş medal qazandı.

Yekaterinburqda keçirilən qadınlar arasında ilk Dünya komanda Çempionatında ikinci lövhədə mübarizə apardı və 7½/9 (+7 =1 −1) nəticəsi ilə həm komanda, həm də şəxsi hesabda qızıl medal qazandı. 2007-ci ilin iyun ayında, o, ilk dəfə Çinin qadınlar arasında Çempionu oldu. 13 yaşındaykən ən gənc çempion olaraq Qin Kanyingin (1988-ci ildə bu titulu qazanarkən onun 14 yaşı vardı) rekordunu qırdı.

2008-ci ildə Türkiyənin Qaziantep şəhərində keçirilən gənclər arasında Dünya Çempionatında, karyerasında ilk dəfə oğlanlar bölməsində yarışırdı. O, bölmədə yeganə qız idi. Hou 9/13 (+6 =6 −1) nəticəsi ilə 3-cü oldu, 2661 performansına və özünün ikinci qrosmeyster normasına nail oldu. Hou İfan 14 yaşında ikən qrosmeyster titulu alaraq tarixdə ən gənc qadın oyunçu olmuşdur. 2008-ci ilin avqust-senyabr aylarında Rusiyanın Nalçik şəhərində o, ikinci dəfə Dünya Çempionatında yarışdı. Finalda 1½ — 2½ hesabla Rusiyalı Alexandra Kosteniuka məğlub oldu. Buna baxmayaraq, o, avtomatik olaraq beynəlxalq usta titulunu qazanaraq və dördücü dəfə özünün qrosmeyster normasına nail olaraq Qadınlar arasıda Dünya Çempionatının ən gənc finalisti oldu.

2011-ci ildə o, Rusiyanın şəhərində keçirilən Dünya Kubokunda iştirak etdi. 2011-ci iIdə Albaniyanın Tirana şəhərində keçirilən Qadınlar arasında Dünya çempionatında o, Koneru Humpy ilə qarşılaşaraq Dünya Çempionu titulunu qoruyub saxladı. Daha sonra Türkiyənin Mardin şəhərində Qadınlar arasında komanda üzrə Dünya Çempionatında Çini təmsil etdi. Çinin beş nəfərdən ibarət komandası, yalnız bir matçda Ukrayna komandasına uduzaraq və bütün digər komandalara qalib gələrək 16 xalla birinci oldu. Yarışda Rusiya ikinci, Gürcüstan isə 12 xalla bürünc medalçı oldu.

Hou 2012-ci ili 8/10 (+7 −1 =2) nəticəsi və 2872 performansı ilə Nigel Shortla birinciliyi bölüşdürdü. 16 iyuldan 19 iyuladək o, Ermənistanın şəhərində keçirilən 2011–2012-ci illər FİDE Qadınlar arasında Grand Prixturnirində iştirak etdi və 7/11 nəticəsi (+4 −1 =6), 2598 performansı ilə qalib gəldi. Bu onun 2011-ci il Rostov və 2011-ci il turnirlərindəki qələbələrinə bir əlavə idi və o, 2013-cü il Qadınlar arasında Dünya Çempionatı üçün vəsiqə aldı. 2012-ci ildə İstanbulda keçirilən 40-cı Şahmat olimpiadasında komandasının gümüş medal qazanaraq ikinci yerə çıxmasını təmin etdi. Hou 2012-ci ilin oktyabrında Cercle d'Echecs de Monte-Carlo komandasının tərkibində Avropa Klub Kubokunda iştirak etdi. O, birinci lövhədə 4.5/6 nəticə ilə oynadı və komandası yarışının qalibi oldu. 2012-ci ilin noyabrında Qadınlar arasında Dünya Çempionatının ikinci raundunda o, məğlib oldu. FİDE Qadınlar arasında Grand Prix qalibi olduğu üçün o, 2013-cü ilin yeni çempionu Anna Ushenina ilə Dünya Çempionu titulunun müəyyənləşdirilməsi məqsədilə qarşılaşmaq hüququnu əldə etdi. 2013-cü il Qadınlar arasında Dünya Çempionatı Çinin Taizhou şəhərində, 10 – 27 sentyabr tarixində keçirilirdi. O, matçı yeddi oyunda 5.5–1.5 hesabı ilə başa vuraraq qalib oldu və çempion titulunu geri qaytardı.

Hou 2013-cü ilin oktyabrında Cercle d'Echecs de Monte-Carlo komandasının tərkibində Avropa Klub Kubokunda iştirak etdi. O, birinci lövhədə 5/6 nəticə (+4 =2, TPR 2736) nümayiş etdirdi və komandası ikinci il yenidən yarışının qalibi oldu.

Hou 2013–14-cü illər FIDE Qadınlar arsında Grand Prix turnirlərinin qalibi olmuşdur. 8–22 Aprel tarixlərində o, Rusiyanın Xanti-Maniysk şəhərində 4-cü mərhələdə oynadı və 8.5/11 (+6 =5, TPR 2695) nəticə ilə birinci oldu.

2015-ci ilin yanvar-fevral aylarında keçirilmiş Cəbəllüttariq Festivalında yenidən səhnəyə möhtəşəm qələbə ilə qayıtdı. Onun bu tədbirdəki mükəmməl oyunu, 2015-ci il mart əmsal siyahısına əsasən Hou İfan Judit Polgárın 26 illik ən yüksək əmsallını geridə qoydu və artıq ən yüksək əmsallı qadın oyunçu oldu. 2013–2014-cü illər FİDE Qadınlar arasında Grand Prix qalibi olaraq 2015-ci il Qadınlar arasında Dünya Çempionatına vəsiqə qazanmışdır və onun hazırkı Dünya Çempionu Muzychuk ilə qarşılaşması gözlənilir.