“Saeghe” aşağıda quraşdırılan delta qanadlara və uzunsov füzelyaja malikdir. İdarəetmə pərləri üfüqi stabilizator üzərində yerləşir. “Saeghe” tamamilə kompozit materialdan hazırlanır. PUA-nın konfiqurasiyasında 18.6 kVt (25 at gücündə) WAE-342 itələyici mühərrikdən istifadə edilir. Onun buraxılması üçün JATO adlanan qısa metal qollara malik katapultdan istifadə edilirdi. Pilotsuz vasitə quruya və ya suya paraşütlə enə bilir.

“Saeghe” PUA-ları iki versiyada istehsal edilib. Birincisi, yalnız radio vasitəsilə idarəetmə sisteminə, digəri isə GPS və IR şüalanmalı idarəetmə sisteminə malikdir. Hər iki versiya katapult ilə buraxılır və paraşütlə endirilir.

“Saeghe-1” PUA-sının uçuş trayektoriyası və manevrləri radio komandalarla idarə olunur. Bu variant N-Q-A 100 kimi də tanınır.

“Saeghe-2” daha inkişaf etmiş bir avionikaya sahibdir, pilotsuz vasitə ilə yerüstü idarəetmə stansiyası arasında telemetrik əlaqə mövcuddur. PUA-nın operatorun müşahidə zonasından kənarda idarə edilməsi GPS naviqasiyasına əsaslanır. “Saeghe-2” girosabit radar reflektoruna və üç ədəd IR sensora malikdir.

PUA-lar kiçik bir mikroavtobusda daşına bilən yerüstü idarəetmə stansiyasından idarə olunur. “Saeghe-2” ilk dəfə 2002-ci ildə havaya qalxıb.

• Uzunluğu: 2.81 m;
• Qanad açılımı: 2.6 m;
• Hündürlüyü: 0.7 m;
• Maksimum uçuş çəkisi: 60 kq;
• Mühərriki: 1×WAE-342 tipli cüt silindrli və porşenli mühərrik;
• Pərləri: iki oxlu;
• Maksimum sürəti: 250 km/saat;
• Döyüş radiusu: 50 km;
• Havada qalma müddəti: 45 dəq;
• Uçuş yüksəkliyi: 3355 m.

1. Martin Streetly, redaktorJane's All the World's Aircraft: Unmanned 2014–2015. London: IHS Jane's. 2014. səh. 362. ISBN 978-0-7106-3096-4.
2. . 2011-10-05 tarixində arxivləşdirilib. İstifadə tarixi: 2011-03-15.