Arif İmran oğlu Babayev (20 fevral 1938, Sarıhacılı, Ağdam rayonu) — Azərbaycan xanəndəsi, professor (1996), Azərbaycan SSR xalq artisti (1989), Azərbaycan Milli Konservatoriyasının "Muğam" kafedrasının sabiq müdiri.
| Arif Babayev | |
|---|---|
 | |
| Ümumi məlumatlar | |
| Doğum tarixi | 20 fevral 1938 (86 yaş) |
| Doğum yeri | |
| Vətəndaşlığı |
 SSRİ→ Azərbaycan
|
| Musiqiçi məlumatları | |
| Fəaliyyəti | xanəndə, müəllim |
| Fəaliyyət illəri | 1960–indiyə kimi |
| Janrlar | muğam, xalq musiqisi |
| Təhsili | |
| Mükafatları |
      
|
 Vikianbarda əlaqəli mediafayllar | |
Həyatı
Arif Babayev 20 fevral 1938-ci ildə Ağdam şəhəri yaxınlığındakı Sarıhacılı kəndində anadan olmuşdur.
Azərbaycan Dövlət Mədəniyyət və İncəsənət İnstitutunu bitirib (1962). Azərbaycan Dövlət Filarmoniyasında (1963–1966), Azərbaycan Dövlət Opera və Balet Teatrında (1966) çalışıb.
O, Seyid Şuşinski, Xan Şuşinski, Zülfi Adıgözəlov kimi sənətkarların ənənələrinə əsaslanaraq, özünəməxsus ifaçılıq üslubu yaratmışdır. 1960-cı ildən başlayaraq Arif Babayevin yaradıcılıq yolu Bakı şəhəri ilə bağlı olmuşdur. O, Azərbaycan Dövlət Mədəniyyət və İncəsənət Universitetində təhsil almışdır.
Əvvəl Azərbaycan Dövlət Filarmoniyasına, sonar isə Azərbaycan Dövlət opera və Balet Teatrına solist kimi dəvət olunan Arif Babayev bu teatrın səhnəsində muğam operalarında Məcnun, Kərəm (Ü. Hacıbəyov-"Leyli-Məcnun", "Əsli və Kərəm "), Aşıq Qərib (Z. Hacıbəyov-"Aşıq Qərib"), Camal (Ş. Axundova-"Gəlin qayası") kimi yaddaqalan obrazlar yaratmışdır. Arif Babayevin ifasında bütün muğam dəstgahlar səslənmiş və lentə alınaraq AzTR Fonduna daxil olmuşdur.
1982-ci ildə Bülbül adına Orta İxtisas Musiqi Məktəbində ilk muğam müəllimi kimi çalışmağa başlayıb. Daha sonra — 1984-cü ildə ilk muğam müəllimi kimi Azərbaycan Dövlət Konservatoriyasına işə qəbul olunub.
1990-cı ildə tarixdə ilk dəfə muğam professoru adı alıb. Xalq artisti Arif Babayev hazırda Milli Konnservatoriyanın muğam kafedrasının müdiridir. O, eyni zamanda Xəzər Universitetində muğam dərsi də verir.
Arif Babayev XX əsrin ikinci yarısında Qarabağ xanəndəlik məktəbinin nümayəndələrindən biridir.
Onun yaradıcılığında "Şur", "Seygah" muğam dəstgahları, "Arazbarı", "Qarabağ şikəstəsi" zərbi muğamları xüsusi yer tutur. Xüsusilə , "Seygah" muğamını Arif Babayev təkrarolunmaz bir üslubda oxumuşdur. Xanəndə həm də təsnif və xalq mahnılarının ifaçısı kimi çox sevilir, onları böyük ifa etmişdir. Arif Babayevin 70 illik yubileyi münasibətilə Heydər Əliyev Fondu tərəfindən xanəndənin səsyazılarından, həyat və yaradıcılıq yolunu əks etdirən şəkillərdən ibarət CD-albom nəşr olunmuşdur.
Mükafatları
- "Azərbaycan SSR əməkdar artisti" fəxri adı — 10 yanvar 1978
- "Azərbaycan SSR xalq artisti" fəxri adı — 21 mart 1989
- "Şöhrət" ordeni — 19 fevral 1998
- Azərbaycan Respublikası Prezidentinin fərdi təqaüdü — 11 iyun 2002
- "İstiqlal" ordeni — 15 fevral 2008
- "Qızıl çinar" beynəlxalq mükafatı — 10 may 2010
- "Şərəf" ordeni — 20 fevral 2018
- Azərbaycan Respublikası Prezidentinin fəxri diplomu — 21 fevral 2023
Filmoqrafiya
- Şur (film, 1967)
- Üzeyir ömrü (film, 1981)
- Ver sözə ehya ki... (film, 1989)
- Havalansın Xanın səsi (film, 2001)
- Muğam (veriliş, 2007)
- Muğamat var olan yerdə… (film, 2009)
İstinadlar
- . Oxu.Az (az.). 2023-09-07. 2023-09-07 tarixində . İstifadə tarixi: 2023-09-07.
- (az.). e-qanun.az. 7 September 2022 tarixində . İstifadə tarixi: 2 may 2019.
- 2022-03-30 at the Wayback Machine. heydar-aliyev-foundation.org, 10.05.2010 (az.)
- . 2023-02-21 tarixində . İstifadə tarixi: 2023-02-21.
Xarici keçidlər
- . "Virtual Qarabağ" İKT Mərkəzinin rəsmi portalı (az.). virtualkarabakh.az. 2013. 2017-12-22 tarixində arxivləşdirilib. İstifadə tarixi: 2014-10-14.